“Mirë se vini në odën time të këngëve “ XHEMALI BOCI

1. Po të jap një uratë
Dedë Reshat Bardhit
Doli marsi, hyri prilli,
Pse s’u dëgjua bilbili?
Pse qyqja gojën e mbylli,
Dedë Ahmetit thirri:
“Më dëgjo, Reshat biri,
na kërkon baba Selimi,
është dhe baba Qamili,”.
Dhe atje u ngritë dhe vatë,
I takuat evliatë:
‘Dëgjo, biri im Reshat,
Unë do të jap nëj uratë,
Të rrosh të bëhesh plak,
Teqetë do hapen prapë,
Do të shkosh në Kryegjyshatë!”…

2. Kështu do të jesh përherë,

O Lazarat me vlerë,
Që ke jetuar me nderë,
As ke vrarë e as ke prerë,
S’të kanë dashur, more të mjerë,
Shumë ta kanë bërë benë,…
Nuk të shpoi asnjë ferrë,
Kështu do të jesh përherë,
Se ke afër teqenë.
Në këngë baba Zenelë,
Djemtë e lazove levendë,
Sorkadh mali mbi të tjerë,
Djemtë e lazove luanë,
e ndërtuan Lazaranë.
Këto vila radhë –radhë,
magazine dhe dyqanë,
këto i bënë djemtë tanë.
Me Dashon Kryetar,
Kishte ngjarë me aganë,
Çelik majë kalit të bardhë.

3. Sotir Merua vetë i shtatë,

Trima qenë në Lazarat,
Që luftuan atë natë,
Njëzetë e katër sahat,
Mitrolozat flakë më flakë,
Sotir Merua vetë i shtatë,
Hodhi firmën në Shtab
Ja do hyrë në Lazarat,
Hedh litarë në qafë.
“O Sotir, more Sotir,
Nuk e pe Këno Halinë
E kish vënë kësulbardhë,
Hidhej porsi derri i çalë.

4. Baba Faja nisi djemtë
Korriku nja gjashtë a shtatë,
Kapedan, more Murat,
Ky Dalipi me Muranë,
Të dy kushëri të parë,
U plagosën këtë radhë.
Një në dorë dhe një në këmbë
Plumbin e heqin me dhëmbë.
Para shokë, se do t’i zëmë
Mbi Brahimë do t’i vëmë.
Baba Faja nisi djemtë,
Sulm mbi Lazarat të shkretë.
O Baba, hejvalla,
Nuk bëhet puna me gra,
nuk bëhet puna me çupa,
por do djema me balluka.

5. Vallë , kush ia dha uranë,
Të qepet murit si djalë?!

Ç’thonë për usta Xhemalë,
Ç’thonë muratorët tanë,
Ç’ thonë Ramua me Vedanë?
Por vallë kush i ka ngjarë
Kush nga ne, cili djalë,
Që të dalë ballë për ballë,
Të ngrihet t’i mbajë krahë;
Seç i ndërtoi me radhë,
Qish , teqe dhe mekamë…
Edhe dylbenë në majë.
Vallë , kush ia dha uranë,
Të qepet murit si djalë?!
Mosha 77 vjeçare,
Trupi I tij si lastar,
Faqja si qelibar,
Do të vdesësh
e do të na vijë mall
Do të vihemi në radhë
Dhe do vemi e do qamë!

6. U vranë për demokracinë
Qaj Sopot e Makërxhirë
Qaj haurin në burim,
Qaj Lazarat në brinjë
Zunë qentë dhe ulërijnë
Kërkojnë të zotin dhe s’e njihnë.
Zunë dhëntë dhe blegërijnë
Të shkretat mbetën në brinjë,
Belja kërkon Nurinë,
Nazua kërkon Barinë,
Muarrnë Veliko Salinë,
Sëbashku meë Jonusinë
Dhe me Omur derëzinë,
Seç i hipën në makinë,
I përcollën me ulërimë,
I nisën për Taroninë.
Atje u mblodhën një krahinë.
I vunë në pushkatim.
U vranë për demokracinë,
Për një jetë më të mirë.

7. Fshati me uratë të madhe
Fshati me uratë të madhe,
Lazarat në ato male,
Këtë radhë shumë qave,
Të qarë derë më derë
Për Demon dhe Dulenë
Për Memet Gabë levenë
Për Fejzo Bashë lulenë,
Dëshmorë në Buzhan mbenë.
Komandant Veip benë
Komandanti vetë dolli
Fejzo…. i foli:
“O Fejzo, gati asqerë
Në Manalas do vemë
Atje vanë dhe nuk u kthenë.

8. O Gjirokastra me vulë
O Gjirokastra me vulë,
O vendi me histori,
me mendje dhe para shumë,
dalluar për trimëri,
Linde Bajon dhe Çerçizë,
Lule, Muzo Asqeri!
shumë heronj dhe heroina,
Lule, Bule Naipi!
Sheshe lufte
na kanë bërë shumë
Hasmëri, dy Mbretëri,
vrau vëllai vëllanë,
një në Ball, një në Parti!
Vrau kunati kunanë,
Lule, Bari Omari!
Diplomat dhe burrë shteti
të vranë me tradhti,
Me disa shkolla të larta,
studiuar në Itali.
E shkreta grua një jetë,
se hoqi atë shami.

9. Shumë e hidhura mandatë,
u vra Sherif Zeneli!

Datë e shkurtit na qe shtatë
çelet me lajmin e zi
Shumë e hidhura mandatë,
u vra Sherif Zeneli!
Në Metoq në atë fushë,
trimi, seç u shtri përdhe,
Nuk e mohonte askush,
plasi e shkreta çifte.
Kjo tronditje e papritur,
Na godet zemrën dhe ne,
ajo fytyrë aq e ndritur,
sot po prehet në dhe.
Trupi i tij i kulluar,
një lule me bukuri,
natë e ditë i papërtuar,
për shokë dhe për Parti.

10. Qajnë për baba Hasanë,…

Baba Hasanit Picar
Gjithë fshatrat me radhë,
Qajnë për baba Hasanë,
Se ky soj kështu e ka,
Si të vdekur dhe të gjallë,
Këtu mblidhen nga çdo anë,
Thanë gjithë atë…..
O baba të qofshim falë,
Bëre njëherë rixhanë,
Të të bënte zoti djalë,
Të hedhësh në sup arcane;
Në dorë bastunin qelibar,
Dhe të vish në Picar,
T’i zësh fshatrat me radhë,
Të takosh baba Fetanë,
Se kanë ardhur djemtë tanë,
Të shkretët morën dynjanë,
Se s’kishin bukë të hanë,
Duan t’u jipnin uranë,
Të gëzojnë këtë vatanë
Në ato vende ku janë,
Durrës , Vlorë dhe Sarandë.
Në Gjirokastër dhanë famë
Nga Tirana gjer në Spanjë
Baballarët t’I kenë pranë…

11.
O Çerçiz Topulli

Të hënën sahati tetë,
Nxori Kushulla milet,
Të mbyllen kafenetë,
U vra Çeçua vetë I tretë.
O Çerçiz, revol me dhjetë,
Hipe në Pajton të shkretë,
Pas të vinë bataretë.

12. E nderoi Labërinë,

Zenel Gjolekës
Xhemal Boci , (i vjetri bashkëkohës i Zenel Gjolekës)
është vrarë bashkë me Zenel Gjolekën në vitin 1885
Ju, kapitanë, që jini,
Shkallët e Kristaqit zini!
Vjen Gjoleka, po t’i bini...
Zenel Gjoleka bukurinë
Seç e drejton ushtrinë
Mbi turqit bën kërdinë
E nderoi Labërinë,
Kuçit i ngriti lavdinë,
Bashkë me nipin Xhemalinë,
Xhemaliu djalë i ri,
E vuri armën në sy,
Për dajkon bëri kërdi...
U vra për vete të tij,
I shkreti s’la një fëmi,
E la Hankon me flori.
I shkreti s’la një fëmi,
Hysen Shahut i thane,
se nipin ta kanë vrarë,
Se trimat mbeten gjallë
që luftojnë për vatanë
Xhemaliu do të jetë gjallë,
Për disa breza me radhë!

13. Nga Tirana erdhi lajmi

O Lazarat në pllajë,
Lunxhëri përkarshi,
Të qarë derë më derë,
Vaj shtëpi më shtëpi.
Nga Tirana erdhi lajmi
U vra një djalë i ri,
Inxhinier me shkollë të lartë,
Mbaruar në Itali.
Keni shumë dhe të tjerë
Lule Mujdin Sherifi!
Edhe ky djalë me shkollë
Derdhur shtati si qiri,
Lule , o shoku Bastri!
Hasan Skëndi djalë i ri,
O Çerçiz a derëzi,
I shkreti pa njeri,
e mbylle atë shtëpi.

14. Qaj...
Qaj Sopot e Makërxhinë,
Për Xhafon e për Alinë,
Për Selmanë e për Koçinë;
qan Goriani më Lloizë,
Për Magrip e për Dalinë,
Për Nelen e për Tatinë,
Dhe për Tasiun derëzinë.
Zunë qentë dhe ulërijnë
Kërkojnë të zotë s’i shijnë,
Se qenë bërë kooperativë,
Brigadier kishin Bujdinë.

15. Me gëzim dhe brohori

Erdhi Xhemaliu ynë,
Na pruri një lajmë të mirë,
I gjithë fshati të vijë,
Të presi baba Nekinë,
Burra , gra dhe fëmijë,
Pleq, plaka dhe të rinj.
Me gëzim dhe brohori
Hedhin valle në avlli,
E presin që të vijë.
Nuro, o baba Sherifi,
të presin ata famijë
që t’u puthësh ata sy.