Promovimi i Grupit Nismetar!

Po, megjithate i vogel .

Nje iniciativ qe duhet perkrahur.

Kjo eshte e ardhmja e Shqiperis se Bashkuar.

Kjo e deshmon edhe njeher, se flamuj te imponuar nuk e kan jeten e gjate ne token arberore!

Vetem ky dote valoj ne nje Shqiperi te Bashkuar.

guximi shkruajti:

Po, megjithate i vogel .

Do rritet shum shpejte, gjerat e mira vijne ngadale...!!

Guximi thuju atyne te Levizjes a e doni ni njeri mjav stervit antart hahahhahahaaha.

Gjithqka qellimëmire duhet te kete sukses,
e kjo Levizje nuk po ec andej nga s'duhet.
Suksese

Hahahahahahahaha. Do e dergoi porosine nese mundem :P:P.

Respekt,
Guximi

Urime!

Cdo gje qe afron bashkimin eshte e mireseardhur.

NJOFTIM





Nesër, më datën 6.2.2009, Lëvizja për Bashkim zhvillon aksionin “MITROVICË: SERBIA JASHTË!”.

Grupi Nismëtar për themelimin e organizatës së të rinjve të Lëvizjes për Bashkim me këtë datë do të shpërndajë 10000 fletëpalosje në të cilat shprehen qëndrimet e Lëvizjes për Bashkim në lidhje me qytetin e Mitrovicës dhe zonat tjera shqiptare në veri të Kosovës.

Qëllimi i këtij aksioni është që të tërhiqet vëmendja në lidhje me kolonizimin e territoreve shqiptare nga ana e Serbisë dhe sensibilizimi i opinionit në lidhje me këtë çështje.

Aksioni zhvillohet në pjesë të ndryshme të Prishtinës, ndërsa qendra e aksionit do të jetë në sheshin “Nëna Terezë” dhe fillon në ora 12.00.

Veriu i Mitrovicës

• Pjesa veriore e qytetit të Mitrovicës jo vetëm para luftës së fundit, por edhe deri në vitin 2000 ka qenë e banuar me mbi 70% shqiptarë.
  

Dëbimi

• Si pjesë e planit të Serbisë shqiptarët u dëbuan dhe po vazhdojnë të dëbohen me dhunë nga pjesa veriore e qytetit të Mitrovicës, kurse në pronat e shqiptarëve u vendosën dhe po vendosen serbët. Ky spastrim etnik u krye dhe po kryhet para syve të ndërkombëtarëve dhe me miratimin e heshtur të tyre. Sidoqoftë, shumica e shqiptarëve të veriut të qytetit janë akoma pronarë të ligjshëm të pasurive të veta atje.
  

Politika e gabuar

• Qeveritë e deritanishme të Kosovës e kanë përcjellë këtë gjendje me indiferentizëm dhe kështu e kanë ndihmuar kolonizimin e veriut të Mitrovicës. Derisa qeveria e Serbisë po e vazhdon luftën dhe po i terrorizon shqiptarët e veriut të Mitrovicës, institucionet kompetente ndërkombëtare të sigurisë po bëjnë sehir! Ndërsa Qeveria e Kosovës, në vend se të intervenojë në zbatimin e ligjit dhe kthimin e sigurisë në këtë pjesë të Kosovës, po propagandon investime parash, investime të cilat, nëse shqiptarët nuk kthehen në pronat e veta, do të jenë në dobi të kolonëve të rinj.
  

Decentralizimi - ndarje juridike

• Me Pakon e Ahtisarit parashihet formimi i dy komunave në qytetin e Mitrovicës, çka do të thotë ndarje edhe juridike e qytetit dhe pranim i gjendjes së krijuar me dhunë e terror.
  

Qytetarët të kthehen në pronat e veta

• Të gjithë banorët e Mitrovicës pa dallim etnie duhet të kthehen në pronat e veta. Kjo është një e drejtë elementare e cila garantohet me të gjitha konventat ndërkombëtare për të drejtat e njeriut, por edhe me kushtetutën e Kosovës.
  

Të bashkohet Mitrovica

• Duhet të përdoren të gjitha mjetet e mundshme për ta bashkuar Mitrovicën! Të mos lejojmë që para syve tanë të kryhen krime ndaj popullatës shqiptare të Mitrovicës dhe kështu spastrimi etnik të bëhet fakt i kryer. Përdorimi i të gjitha mjeteve për ta realizuar këtë qëllim është një e drejtë e patjetërsueshme e mbarë popullit shqiptar. Veprimi institucional i Qeverisë do ta shmangte nevojën për mjete tjera.
  

6 shkurt 2009 LËVIZJA PËR BASHKIM

Pamje nga Aksioni:

Dje nje profesor imi ma dha nje fletushke te cilen e kishin shprendare aktivistet e levizjes per Bashkim.

Fletkushka e shprendare mu duk mjaft e qelluar, sepse kish nje gjuhe shume te thjeshte dhe perqendrohej drejteperdrejte ne te analizuarit e thjeshte te thelbit te problemit ne Mitrovice. Kesaj levizjeje une i deshiroj me gjithe zemer pune te mbare e te palodhshme ne vetedijesimin e masave. Vetedijesimi eshte nje mision i shenjte, te cilin e respektoj me tan qenien time. Ndaj, keta misionare te vetedijeismit s'ben te ndalen, ata duhet te vazhdojne vec perpara

Kosova është Shqipëri!



Të nderuar përfaqësues të mediave, ju përshëndes!



Kemi hyrë në vitin e dhjetë të largimit të forcave të Serbisë nga Kosova dhe në vitin e dytë të shpalljes së pavarësisë dhe Kosova nuk po arrin akoma që të mirat që do të duhej t’i gëzonte nga këto ngjarje të rëndësishme t’i kthej në të mira materiale, në të mira të prekshme.

Edhe pas këtyre ngjarjeve Kosova mbetet me një situatë të nderë politike, me një situatë të brishtë të sigurisë, me një gjendje të rëndë ekonomike, me një gjendje shumë të rëndë në shëndetësi, në arsim e sidomos, dhe, që është më shqetësuesja, Kosova vazhdon të ballafaqohet me një gjendje tepër të rëndë sociale. Pagat e ulëta, ngritjet e çmimeve, politika e rëndë fiskale për qytetarët nga ana Qeverisë së Kosovës dhe në fund varfëria në të cilën vazhdon të jetojë qytetari i Kosovës janë karakteristikat themelore të kësaj gjendjeje të vështirë e të paperspektivë.

Pa dyshim se këto janë edhe pasoja të një pushtimi të gjatë, por shkaktari i vërtetë që ne nuk po mund të nisemi drejt një stabiliteti politik, ekonomike e social në mënyrë të drejtpërdrejtë është moszgjidhja e plotë e konfliktit shqiptaro-serb.

Për shkak të moszgjidhjes së plotë të konfliktit shqiptaro-serb, Kosova dhe populli shqiptar janë privuar nga të drejtat elementare njerëzore dhe ky ndalim përmbahet në rezolutën 1244, Pakon e Ahtisarit si dhe pasqyrimi i tyre në Kushtetutën e Kosovës. Ndalesa më e dukshme dhe më e dëmshme është ajo që popullin shqiptar e privon nga e drejta e të qenit sovran, nga e drejta për të vendosur vetë për fatin e vet, pra nga e drejta për vetëvendosje.

Çështjet e pazgjidhura të marrëdhënieve shqiptaro-serbe vazhdojnë të mbeten veri i Kosovës dhe Presheva, Bujanoci e Medvegja.

Ne mendojmë se zgjidhja e këtyre dy çështjeve mjaft të rëndësishme mund dhe duhet të arrihet duke respektuar të drejtën për vetëvendosje për të dyja palët.

Duke e parë gjendjen politike të të dyja palëve si dhe involvimin e faktorëve ndërkombëtarë në këtë çështje ne mendojmë se politika e respektimit të të drejtave të njëjta si në rastin e veriut të Kosovës, ashtu edhe në Preshevë, Bujanoc e Medvegjë është rruga më e mirë për të arritur deri te zgjidhja e plotë e çështjeve të mbetura të pazgjidhura në mes të Republikës së Kosovës dhe Republikës së Serbisë.

Do t’ua jap disa shembuj të politikës së reciprocitetit që do të duhej të ndiqet me këtë rast: Në qoftë se serbët e veriut nuk i njohin institucionet e Kosovës si të vetat, as shqiptarët e Preshevës, Bujanocit e Medvegjës nuk duhet t’i njohin ato të Serbisë si të vetat, pra duhet t’i braktisin ato dhe t’i ndërtojnë institucionet e veta; Në qoftë se serbët e veriut bojkotojnë zgjedhjet e Kosovës edhe shqiptarët e Preshevës, Bujanocit e Medvegjës duhet t’i bojkotojnë ato të Serbisë; Në qoftë se Serbia me Gjashtëpikëshin kërkon që doganat, policia etj., të kontrollohen nga serbët, Qeveria e Kosovës duhet të kërkojë që edhe doganat, policia etj., në Preshevë, Bujanoc e Medvegjë të kontrollohen nga shqiptarët dhe, në fund të fundit, në qoftë se serbët e veriut të Kosovës kërkojnë të bashkohen me Serbinë edhe shqiptarët e Preshevës, Bujanocit e Medvegjës duhet të kërkojnë të bashkohen me Kosovë.

Këto dy çështje mund të zgjidhen me bisedime. Jo me bisedime teknike, jo me bisedime të imponuara dhe për çështje vetëm të serbëve, por me bisedime serioze dhe përmbajtjesore, ku temë e vetme e bisedimeve do të ishte Presheva, Bujanoci e Medvegja dhe veriu i Kosovës.

Në qoftë se këto çështje nuk zgjidhen ato do të vazhdojnë të përshkallëzohen dhe do të vazhdojnë të jenë pengesa edhe në zhvillimet demokratike të të dy vendeve dhe pengesa për integrime të mëtutjeshme ndërkombëtare, por njëkohësisht do të jenë edhe kërcënim për paqen në rajon e më gjerë.

Në qoftë se çështja e veriut të Kosovës dhe çështja e Preshevës, Bujanocit e Medvegjës mund të zgjidhet me bisedime shqiptaro-serb, çështja e qytetit të Mitrovicës nuk mund të zgjidhet me bisedime të një niveli të tillë. Çështja e Mitrovicës duhet të zgjidhet duke i bërë presion faktorëve ndërkombëtarë të implikuar në rastin e Kosovës dhe të cilët janë të thirrur për ruajtjen e sigurisë. Presioni duhet të bëhet nga ana e institucioneve dhe nga ana a popullit, pra presion institucional dhe jashtinstitucional për kthimin e qytetarëve në pronat e tyre dhe siguria e plotë në këtë qytet.

Të gjitha këto çështje ne i kemi sanksionuar në Platformën tonë Politike dhe me qëllim të sensibilizimit të opinionit për këto çështje ne kemi zhvilluar aksione të ndryshme, ndërsa sot do ta zhvillojmë pjesën e radhës të aksionit trepjesësh për heqjen e pengesave për vetëvendosje. Aksioni i tretë zhvillohet me moton “Kosova është Shqipëri”. Ai ka filluar dje me vendosjen e pllakateve dhe vazhdon sot me shpërndarjen e fletëpalosjeve. Qendra e aksionit do të jetë në sheshin “Nëna Terezë” dhe fillon në ora 12.00.

Përfundimisht: vetëm pas zgjidhjes së plotë të çështjes shqiptaro-serbe Kosova mund të bëhet vërtet e pavarur dhe vetëm atëherë ajo mund të vendos vetë për fatin e vet dhe në përputhje me të drejtën e kombeve për vetëvendosje, nëpërmjet të një referendumi të thjeshtë do të vendoste për bashkim me Shqipërinë.



Duke i pasur parasysh të gjitha këto që i thamë më lart, në funksion të fillimit të zgjidhjes përfundimtare të çështjes shqiptaro-serbe si dhe në funksion të krijimit të kushteve që Kosova të bëhet vërtet sovrane dhe të ketë mundësi ta shfrytëzojë e papenguar të drejtën e kombeve për vetëvendosje institucionet e Kosovës do të duhej që:



)[/size] të bëjë presion institucional tek faktorët ndërkombëtar për kthimin e banorëve të Mitrovicë në pronat e tyre si një e drejtë elementare njerëzore;



2) zyrtarisht të kërkojë nga Qeveria e Serbisë që ajo të respektojë të drejta të njëjta për shqiptarët e Preshevës, Bujanocit e Medvegjës me të drejtat e serbëve në Leposaviq, Zubin Potok e Zveçan.







Prishtinë, 26.2.2009 Avni KLINAKU

[size=12] Kryetar i LËVIZJES PËR BASHKIM

Ketu mund te ndiqni nje video-material te shkurter mbi aksionin "KOSOVA ESHTE SHQIPERI" :

https://www.youtube.com/watch?v=5VMj3OHu8Hk