Lokemadhja Hatixhe BEQIRI

Titulli: Lokemadhja Hatixhe BEQIRI Sat Oct 25, 2008 9:00 pm

Fadil Curri :

Në Tetovë jeton një familje e ardhur nga fshati Shipkovicë, zoja e së cilës është Hatixhe Beqiri, nënë e shtatë djemve e tri vajzave.Këtë së bashku me nënën e Rafi Halilit , i quajnë LOKEMADHET E TETOVËS!

A kanë arsye t’i quajnë kështu?

Tetovarët thonë se :PO!

Përse?

V.I.P Numri i postimeve : 2101 Registration date : 26/03/2008

Babai i saj,Refiku, është djali i vëllait të Rexhep Vokës.Si mbesë e këtij dietari e luftëtari për të drejtat e banorëve të kësaj ane, Hatixhja është krenare dhe dëshmon se tërë jetën është munduar të mos ua nxijë fytyrën shipkovicasve trima.Këtë e dëshmoi në shumë sprova që ia diktoi jeta!

V.I.P Numri i postimeve : 2101 Registration date : 26/03/2008

Familja e burgosur

Shqiptarëve edhe sot u kujtohet Janari i vitit 1981, kur u burgos një grup tetovarësh për “Vepra kundërrevolucionare që deshën shkëputjen e trojeve shqiptare”.Për këtë kauzë u dënuan edhe tre djemtë e saj:Vehbiu,Zaimi dhe Remziu.Fill pas kësaj, sëpari Zaimi, pastaj edhe Vehbiu u burgos ( më 11 mars 1982, e tre muaj më vonë edhe Remziu),u dergjën burgjeve anekënd Jugosllavisë.Nënë Hatixheja i di përmendësh dhe rrëfen për burgosjet:Zaimi qëndroi në burgun e Stara Gradishkës e Idrizovës së Shkupit, Vehebiu në burgjet e Shuto Orizarës së Shkupit, Bijello Poles dhe atë të Spuzhit afër Titogradit (Podgoricës), kurse në burgjet e Manastirit dhe të Idrizovës së Shkupit Remziu, djali i tretë i burgosur.Djali ka qenë në burg me Adem Demaçin.

Nënë Hatixheja është grua që vetëm mund të haset në filma apo romane heroike.E përkushtuar në fëmijët e saj.Çdo dromcë të jetës së tyre e ndryn në kujtesë.Edhe burgosjen e djalit të parë e kujton dhe rrëfen:

-Ishte 30 janari i vitit 1980.Po kthehesha nga bija ime kur para shtëpisë sonë pashë “maricën” e milicisë.Mendova mos kishte bërë ndonjë gabim djali im i gjashtë që gjatë pushimeve dimrore kishte shkuar të punonte në Beograd.Sapo hyra në pashë një mori milicësh, të cilët fëmijët i kishin mbyllur në shtëpinë e vjetër, kurse në të renë kishin lidhur Zaimin.E pyeta:

“Bir i nënës , ç’kërkojnë këta që kanë ardhur te ne dhe e kanë zaptuar shtëpinë?”

“Ç’ do të mund të presish tjetër nga armiku, nënë, pos të të vrasë e burgosë.Mos do të të sjellin çokolata?”, -u përgjigj gjakftohtë Zaimi.

V.I.P Numri i postimeve : 2101 Registration date : 26/03/2008

E humba durimin dhe iu drejtova një milici shqiptar:”Turp të qoftë! Si ke zemër të vish e të torturosh shqiptarët në shtëpitë e tyre, pa pikë faji?Vallë , a veprojnë këta ndaj maqedonasve kështu, si po veproni ju , milicët shqiptarë, ndaj shqipëtarëve.Aty ishte një inspektor i sigurimit që vetëm qeshej me ironi.Pastaj iu drejtova milicëve tjerë:”Merreni birin tim, rripeni për së gjalli dhe hanie mishin e tij se ndoshta do të ngopeni me mish shqiptari”.

Mirëpo vuajtjet e kësaj nëne nuk përfundojnë me burgosjen e Zaimit.

Vitin e ardhshëm (1982) në pëvjetorin e demostratave të studentëve shqiptarë në Kosovë, më 11 mars ia burgosin edhe djalin tjetër, Vehbiun, të cilin e dënojnë me 15 vjet burg, kurse tre muaj më vonë (qershor të atij viti) edhe djalin e tretë (Remziun) ia burgosin me 8 vjet e gjysmë.Nënë Hatixheja nga shtatë djemt që kishte , mbeti vetëm me një të mitur, ngase pos tre djemëve që ia burgosën, tre i kishte në botën e jashtme që nuk ktheheshin, ngase u kërcënoheshin me burgosje.Vajtonte fatin e djemve të saj dhe i dukej se rronte në një famlije me vatër të fikur.

Nënë Hatixheja tashmë u bind në pëshpëritjet se pushteti tetovar i kishte halë në sy 4 - 5 familje tetovare dhe se nën moton e luftës kundër nacionalizmit dhe separatizmit shqiptar synonte edhe t’i shkatërrojë moralisht e materialisht, në mënyrë që të mbillte frikë te tetovarët tjerë që të hiqnin dorë nga përpjekjet për demokratizimin e jetës dhe shoqërisë.

V.I.P Numri i postimeve : 2101 Registration date : 26/03/2008

Nusërimi i plakës në burg

Një muaj pasi ia burgosin djalin e tretë, Remziun, edhe nënë Hatixhen e burgosin në Burgun Komunal të Tetovës.Aty rri plot 62 ditë.E torturojnë me të madhe.E shtërnbgojnë të tregojë se me kë shoqëroheshin e bashkëpunonin djemtë e saj, se ç’libra e gazeta lexonin, se pse i vizitonte bijt e saj në kurbet, e çkamos tjetër.Nuk i harron torturat e milicit me emrin Sakip.Nga përjetimet në burg ajo rrëfen:

-Për çdo ditë më merrnin në pyetje, nga ora shtatë e mëngjesit, deri kah ora 14, pastaj pasdite deri në mbrëmje.Përsëri nga ora 19 e deri një orë pas mesnate.Të gjitha këto i duroja, pos mundimeve që m’i bënte Sakipi, i cili më detyronte të palohesha si nuse e të mbështetem për muri.

Ai edhe më rrihte.Një mbrëmje nga goditjet e shumta edhe më pëlciti veshi i djathtë dhe sot e kësaj dite nuk dëgjoj me të fare.Nuk do të mund t’ia mësoja emrin po të mos e thirrte dikush në telefon në mbrëmje, e ky i tregoi se kush po bisedonte me të.Kur ai në telefon e pyeti se ç’po bënte , Sakipi i tha se po grindej me një plakë shqiptare, nga e cila asgjë nuk mund të nxjerrë.Pasi e lëshoi telefonin m’u kërcnua se ishte xhelat dhe se mund të ma merrte shpirtin po nuk i tregova diçka.

“Më vraj, se për këtë je i paguar, or xhelat”, i thashë.Ky xhelat tok me Huseinin, një milic nga Dobërdolli i Gostivarit ishin në shërbim të Bedri Sinanit nga Gajra e këtushme.

Kjo familje me bindje të vendosura pengohet edhe pas vuajtjes së dënimit me burg.Nuk iu njoh e drejta e dhënies së pasaportave dhe dalja në botë.Bie fjala nënë Hatixhja ka 6 vjet që nuk i ka parëtre djemtë e saj (du kanë azil politik), kurse Vehbiu ka dhjetë vjet që nuk i ka parë vëllezërit e vet.E, për punësimin e tyre as që mund të bëhet fjalë, as për ndonjë ndihmë eventuale nga pushteti.

Me Hatixhe Vokën - Beqirin bisedojmë edhe për rrethanat aktuale në Maqedoni, konkretisht për Tetovën.Është tejet e informuar.Është e mendimit se partitë politike proshqiptare duhet ta thonë troç se çdëshirojnë shqiptarët, se Maqedonia është e tyre, se pikërisht shqiptarët e çliruan, por edhe shkuan në fushë të Sremit, e më në fund asgjë nuk fituan.Bile, në vend se t’u njihej e drejta të vendosin për fatin e vet në trojet e tyre, pas luftës komunistët bënë kërdi ndaj shqiptarëve, si është rasti i Monopolit të Tetovës, masakër që po heshtet.

Ne shqiptarët , thotë Lokemadhja Hatixhe, nuk duam të marrim hak për këtë, por të na jepet ajo që e meritojmë.

Ajo ka vërejtur se demokracia në Maqedoni është e rrejshme, sidomos kur është fjala për shqiptarët.Si mund të ketë liri e demokraci shqiptari kur në Tetovë ende i burgosin pse shesin kaseta e libra....?!

Titulli: Re: Lokemadhja Hatixhe BEQIRI Sun Oct 26, 2008 2:40 am

Feneri te falmderoje per kete teme dhe shume teme domethanese qe tregone edhe per vendlindje time i nderuar Feneri kame respektin qe kujtone legjendat e gjalla te SHIPKOVICES Heroike gjithnje ne shenester e ka pase armiku por sote fale djemve te saje dhe luftetareve te UCK qe ja sollen driten SHipkovices
te falmderit Feneri dote flasem per kete teme

» Përmbledhje nga krijues të ndryshëm