Zig-zake

Titulli: Zig-zake Sat Aug 30, 2008 3:52 pm

1. Ç'JEMI

Ç'jemi ne?

Rrugëtarë, mëkatarë, që nuk sosemi dot,

Fletët e pafundme të një libri,

Që hap e mbyll çdo çast i Madhi Zot.

Jemi njerëz, rrojmë pak,

Duam paqe, s'duam gjak!

Titulli: Re: Zig-zake Sat Aug 30, 2008 3:53 pm

4. I DHANE Ç'DESHI

(Sipas një ngjarje në një berberanë, në Lushnjë)

Një ditë Sejfullai*, shihte, teksa ruhej,
Berberin djalosh nga ai që druhej.
Që ish gjimnazist e kuptoi përnjëher'
Ndaj dhe e pyet: "Pse je bër' berber?”

"S'desha degë tjetër, përveç kirurgji,
Endrra ime ish veç për bisturi”.
Sa mbaroi fjalën, një rënkim i doli
Porse Malëshova ëmbëlsisht i foli:

"Mos u mërzit shumë që kirurg s'të lanë
Thikën u kërkove, thikën prap' te dhanë".

*Kushtuar demokratit me të
madh e më të pafat, intelektualit
patriot, Sejfulla Malëshova.

Titulli: Re: Zig-zake Sat Aug 30, 2008 3:56 pm

KLASIKËT APO HRUSHOVI?

Përmes plazhit të pasosur,

Shkon një femër e përsosur,

Përmbi kofshë i spikasin

Engelsi veçmas me Marksin.

Te kofshët me tatuazh

Zbarkoi lakuriqi plazh,

Gjithë meshkujt që i qasnin

Puthnin Engelsin me Marksin.

Një djalosh qefli i zgjuar

Me kultur’ i ësht' drejtuar:

"I dua shume klasikët

Por me tepër sovjetikët !

“Sa nuk vdes, doni ta dini:

Dëshiroj të puth Stalinin!”

Me sy zemrën po ia digjte,

Zgjati dorën që t’ia hiqte.

Femra, nuk ia prishi, qeshi,

Ktheu bythën, brekët zhveshi:

"Mos vdis, fare mos u lodh

Eja, puth shokun Hrushov"!

Titulli: Re: Zig-zake Sat Aug 30, 2008 3:58 pm

7. " I HUAJ "

Jashtë punoj e jetoj,

Për çdo çast vendin kujtoj,

Shoqërinë, familjarët,

S'duroj dot, më mbyt të qarët!

Si ky vit mos ardhtë kurrë,

S'u morr vesh kush është burrë.

Një hajdut, një frikacak

Vret nën maske, të mbyt gjak.

S'shkon dot në shtepinë e Mikut

Të vret plumbi i të ligut!

Partitë nuk lodhën fare

Shqipëria shesh me varre!

U mbush toka edhe deti,

S'i nxë vendi! Vjen dhe mbreti!

Secili vota kërkon,

Ne s'dimë kush vdes, kush rron!

Kur i doni votat, vini,

Si i merrni, nuk na njihni.

Një pyetje partisë tuaj:

"Në vend tim, pse jam i Huaj"?...

Titulli: Re: Zig-zake Sat Aug 30, 2008 4:01 pm

MALL

kushtuar fëmijëve të mi

Larg teje, larg vendit tim,

Në të hidhurin Mërgim,

S'më zë gjumi, kujtoj nënën,

Dal përjashta flas me hënën.

Pyeta yjet varg e varg.

"S'dimë gjë,- thanë- jemi larg".

Ndaj ty që të kam më pranë

Hidh një herë sytë matanë”.

"Hënë, që ndrin gjithësinë,

A ma ke parë shtëpinë,

Kam një vajzë, kam një djalë

Ku të jenë tani vallë?

A e kërkojnë babanë,

E dëgjojnë ndopak mamanë;

Po gjyshen bashkë me gjyshin,

I ndihmojnë a i mërzitin?

“Hënë, pse hesht, pse nuk flet,

Asnjë s'ke parë vërtet?

S'është e mundur, më kërkojnë

Dal prapë nesër, bisedojmë.

Ndaj, të lutem, mos harro,

Vogëlushët m'i shiko,

T'u thuash që më ke parë,

Malli për ta më ka marrë!"

Titulli: Re: Zig-zake Sat Aug 30, 2008 4:05 pm

Pse kaq i madh jashtë, i vogël në vendin tënd?!

ALI PASHAI

Nga shkolla të njoha:

Pasha, “Hajdut”, “Kaçak”,

Njeri i pagdhendur, i etur për gjak.

Jashtë flasin:

Librat, kështjella, muzeu,

Për trim e të mençur që rallë nxjerr dheu.

Nuk kuptoj asgjë dhe zemra me dhemb

Pse kaq i madh jashtë, i vogël në vendin tënd?!

Titulli: Re: Zig-zake Mon Sep 01, 2008 8:02 pm

Urime Josif Nika! Sidomos kjo vjersha e fundit me pelqeu shume.