Katolikët e gjithë Evropës në shtator në Tiranë

Katolikët e gjithë Evropës në shtator në Tiranë

http://koha.net/

Tiranë, 6 korrik 2011– Nga 29 shtatori e deri më 2 tetor, në Tiranë do të mbahet konferenca e presidentëve të konferencave ipeshkvnore katolike të Evropës. Lajmi bëhet i ditur nga “Radio Vatikani”, media kjo që e ka cilësuar këtë si një ngjarje të rëndësishme kishtare, gjatë së cilës do të trajtohen tema të ndryshme kishtare dhe shoqërore.

“Mbledhja e kryetarëve të konferencave ipeshkvnore katolike dhe personaliteteve tjera kishtare evropiane në Tiranë, përbën në të njëjtën kohë edhe një mirënjohje ndaj Kishës Katolike shqiptare dhe vlerësim për punën e bërë në periudhën pas rënies së regjimit e të diktaturës komuniste etj”, citon ajo.

Kjo Konferencë, bëhet me dije se do të ketë për temë “Ungjillëzimin e ri në Evropë”.

Ndërkaq, presidenti i konferencës ipeshkvnore katolike të Shqipërisë dhe kryeipeshkvi i Tiranë-Durrësit, imzot Rrok Mirdita ka deklaruar lidhur me këtë aktivitet se ky përbën një vlerësim për Shqipërinë.

“Për ne dhe kishën e këtij vendi është një ngjarje mjaft e rëndësishme. Do të trajtohen tema të ndryshme e mjaft të rëndësishme, nga ekspertë të posaçëm, si edhe autoritete të larta kishtare. Ky eveniment mirëpritet edhe nga komunitetet e tjera. Ai përbën në të njëjtën kohë edhe një hap më të sigurt drejt atij integrimi që ne kërkojmë”, ka pohuar ai për radion e Vatikanit, transmeton agjencia Noa.

Para pak ditëve, në një takim që u mbajt në Torino, konferencat ipeshkvnore katolike të Evropës diskutuan mbi marrëdhëniet ndërmjet Katolicizmit dhe Islamit.

Pom befasojn vllezrit tan katolik se veq sillen sillen se lesha neper vatikan dhe skan nji ulse nuk i njeh Vatikani, si shkiet,qe e kan pefaqsin e tyren, dhe per qdo veprim konsulltohen me serrbet. E shqiptart veq shkojn e eja si ADEM peja...