KULTURA DHE NIVELI I POSTIMEVE NË FORUM

Duke pare vlimet e tepruara të kësaj perditshmërie që vjen e publikohet në forum, pakënaqësitë e arsyeshme apo format e jetës sonë, në krahasim me mjediset e tjera të kësaj hemisfere, jam i mendimit të mbledhim forcen mendore për të bërë një kuvendim në këtë dimension:

Sa percillet ky lloj i te shkruarit dhe sa ndikon ne organizimin shoqëror ?
Përse shumë çeshtje të trajtuara ngelin ne nivelin e bisedave private ?

Nëse ndonjëherë janë bërë përpjekje, që të dalë sa më në nivel kultura e diskutimit, përse të mos fryëzohemi nga praktika e tillë dhe të bëjmë një hap më tej !

Edhe pse problemi aktual i forumeve, vecmas i këtij forumi, është zgjidhja e plotë e çështjes shqiptare, përse gjithaq dalim të përmbajtur që në njëfarë mënyre mbesim si fushë e dikujtë por edhe e askujtë ?

Prandaj mund të thuhet se ne flasim në përgjithësi, por nuk veprojmë në veçanti! Ndërsa , koha pas gjithe kësaj klime të krijuar, dikton që ta përvetsojmë etikën e njeriut të kulturës, që flet drejtë, me maturi, dhe është i përkushtuar në parimet kombëtare !

Çështja konkrete për të cilën mund të filtet dhe shkruhet është kultura e elitë, dhe kultura e masës ! Ne ballafaqohemi me ato nivele të elitës që sot janë udhëheqësit e institucioneve që flasin dhe godasin masat per kërkesat dhe nevojat që kanë. Nga ana tjetër, Kultura e masës edhe ajo e çon zërin e saj me : rroftë kultura e masës, poshtë kultura e elitës !

Si të dalim të koordinuar?!!!

Temë shumë e mirë për ta biseduar bashkarisht i nderuari feneri.

Në përgjithësi sa kam pasur mundësi për t'i përcjellur forumet më së shumti shigjetat drejtohen tek temat e teologjis, histori dhe politikë,(sidomos replikohet për LNÇ dhe politikën e Ibrahim Rugovës).

Debatet bëhen apo fyerjet bëhen nga niveli i personave por edhe nga qëllimet e personave të cilët futen të arrijnë tek caku i dëshiruar ta përulin një figurë apo ta ngritin një figurë... ose si po vrehet kohëve të fundit janë drejtuar shigjetat drejtë Historisë së Popullit Shqiptar nga disa Shqiptar në bashkpunim me shtetet fqinjë Greqi-Serbi duke filluar nga Ilirët te mesjeta, Lidhja e Prizrenit e deri tek lufta heroike e UÇK-së të gjitha bëhen të koordinuara kundër Historisë sonë. Më tutje tek teologjia fillojnë sulmet tek religjioni i njëri tjetrit.... etj etj....

Në forumin Bashkimi Kombëtar është një punë shumë e vështir për stafin që ta gjejë një mes të artë që sa më shumë ta drejtojm masen kah ideja për të biseduar psh" deri sot u arritën këto rezultate, çka më tutje të bëjm për kombin tonë".