Një kishë në Utah ofron falas Kur'anin

Një kishë në Utah ofron falas Kur'anin
--------------------------------------------------------------------------------
SHBA: Një kishë në Utah ofron falas Kur'anin
25 Prill 2011

Një kishë në Utah, SHBA, është duke dhënë falas kopje të Kur'anit në sezonin ekumenik të pashkëve si kundërpërgjigje për djegien e fundit e librit të shenjtë islam nga një pastori kontrovers i Floridës

Kisha Prezbiteriane Wasatch ka urdhëruar që të shpërndahen 50 kopje të Kur’anit në një librari lokale duke filluar nga e hëna.

"Ne nuk promovojmë Islamin, ne nuk jemi duke thënë se Kur’ani është Bibla," tha Scott Dalgarno, pastor i kishës. "Ne jemi vetëm duke thënë se nëse njerëzit janë kurioz, nëse ata duan që ndërgjegja e tyre të informohet mbi këtë çështje ... atëherë le të ta marrin një kopje nga ne dhe ta lexojnë atë dhe të vendosin për veten e tyre se çfarë duhet të mendojnë. "

Dalgarno thotë se çdo Kur’an, për të cilin gati 1.6 miliard muslimanë në botë besojnë se është testamenti përfundimtar i Zotit, do të ketë një shenjë që thotë: "Ky libër u dhurua nga udhëheqësit e Kishës prezbiteriane Wasatch të cilët nuk kanë frikë nga e vërteta kudo që mund të gjendet. "

Ai tha se kjo dhuratë ishte një kundërpërgjigje ndaj Terry Jones, kreu i një kishe ekstreme fundamentaliste në Gainesville, Florida.

Në një masë që shkaktoi trazira në Afganistan, kisha e vogël e Jones "në veri të Floridës dogji Kur'anin muajin e kaluar duke pasuar me një gjykim tallës të tekstit.

"Kur kemi parë se Terry Jones e kishte kryer këtë në të vërtetë dhe plus 20 kishin vdekur si rezultat i kësaj ne kemi menduar se nuk mund të qëndrojmë të heshtur këtu", tha Dalgarno.

Jones ishte në gjykatë të premten në Dearborn, Michigan - shtëpia e një prej komuniteteve më të mëdha muslimane në Shtetet e Bashkuara - ku ai dëshiron të mbajë një demonstratë jashtë Qendrës Islame të Amerikës, xhamia më e madhe në vend.

Dalgarno thotë se ai ka marrë disa reagime negative kur u bë i ditur lajmi se fjala e Kur’anit do të shpërndahet, por tha se do të bënte të njëjtën gjë për besimet e tjera.

"Nëse dikush në Salt Lake djeg një kopje të librit të Mormonit, ne ndoshta do të bëjmë të njëjtën gjë", tha ai." Ne do të blejmë kopje të Librit të Mormonit dhe do të themi lexoni dhe informoni ndërgjegjen tuaj. "