Perleshjet ne Mitrovice

Një pjesëtar i Misionit të Bashkimit Evropian për policinë dhe drejtësinë në Kosovës është plagosur gjatë përleshjeve ndërmjet grupeve të shqiptarëve dhe serbëve në Mitrovicë.

Policia përdori gazin lotsjellës për të shpërndarë grupet e serbëve dhe shqiptarëve që hodhën gurë mbi njëri tjetrin pas humbjes së Serbisë nga Turqia në kampionatin botëror të basketbollit.

Zëdhënësi i policisë në Mitrovicë, Besim Hoti, tha se gjuajtjet me gurë filluan kur grupe shqiptarësh të rinj nisën të kremtojnë fitoren e Turqisë ndaj Serbisë, ndërsa grupet e serbëve ishin mbledhur për të ndjekur ndeshjen e basketbollit ne kafenetë në afërsi të urës mbi lumin Ibër që shënon edhe vijën ndarëse të qytetit.

Në të njëjtën kohë janë dëgjuar edhe të shtëna nga armë automatike. Zyrtarë të EULEX-it thanë se një pjesëtar i xhandarmërisë franceze është plagosur në këmbë, por është jashtë rrezikut për jetën. Policia nuk arriti të vërtetojë pohimet e mjekësve serb në veri se një i ri është plagosur nga këto të shtëna, ndërsa të paktën edhe tre të tjerë kanë pësuar plagë nga gurët. Policia tha se gjatë trazirës janë dëmtuar edhe tri makina të saj.

Pjesëtarë të policisë së Misionit të Bashkimit Evropian dhe të forcave paqeruajtëse të NATO-s janë vendosur në urën kryesore dhe situata është vënë nën kontroll.

Qyteti verior i Mitrovicës i ndarë në dy pjesë, në veriun me shumicë serbe dhe jugun me shumicë shqiptare, vazhdon të jetë skenë e tensioneve të larta dhe ndarjeve të thella etnike.

Po bolle mira ja kane ba ,
keshtu duhet me i tregue eu se shqiptaret jane gjalle dhe nuk frigohen.
Po mos te ishin demostartat e 2004 kurre sdo bisedojshin eu me shqiptaret dhe nuk do te zgjithshin kurrfare problemi
Ato demostrata u quajten me lloje lloje emri nga shqiptaroviqet dhe nga te huajte.
siq u quajten tere jeten.
Po ato dmeostarata ishin kombetare dhe ja hapen syte politikes dhe Politikaneve servile .
Dhe duhet organizue protesta edhe me te medha si ne vitet 1999 kure u bllokue tere kosova po na tradhtuan remzi Kolgeci me shoke Ilaz ramajli dhe shume shqiptarovie tjere.
Duhet bllokue Kosova deri ne rashke dhe largue nga politika keta te shitur .
Atehere bota do ta shehe se jemi te vendosur dhe do te na perkrahe ne aspiratat tona per shtet kombetare shqiptare .
Dhe bien poshte marreveshjet antishqiptare te kosovareve.