PËRKUJTONI viktimat e Kukul Zabelit të Tanushës

“Të rikujtosh të rënët është nder,të Çosh amanetin e tyre në fund është detyrë.Dëshmori nuk vdes kur mbulohet,ai bashkë me amanetin e tij vdes kur harohet”. Ishin këto fjalët e para të referatit të lexuar në akademinë përkujtimore në tri vjetorin e rënies tragjike të komandant Tahir Sinanit, ushtarëve Naser Ademi nga Negorina e Pollogut, Brahim Ademi dhe Hyrë Emini nga Kosova dhe Hisë Fazliu nga Banjica e Poshtme e Gostivarit.

Formacionet e e UÇK-së,nën emblemën e shkëlqyes të tyre i treguan gjithë botës se “Oaza e paqes” së brishtë duhej të tronditej. Djemt më të mirë të këti trualli, që në momentet e para me zërin e lirisë, rrëmbyen armët dhe u reshtuan në radhët e UÇk-së, me besim të plotë se erdhi koha që të realizoheshin aspiratat e tyre njëherë e përgjithmonë”, tha mes tjerash referuesja në këtë Akademi përkujtimore, për të shtuar: “E deshi zoti që nga një shpërthim fatkeq,në qiellin e Tanushës të gjenden komandan Tahiri me ushtarët e tij Brahimin, Naserin, Hyrën, dhe Hisën, të cilët ishin dhe janë figurat të shquara të kësaj brigade”

Ne, u tha në vazhdim, u qëndrojmë fjalëve dhe argumenteve të dëshmitarëve Hajrush Fejzulit dhe Vjollca Fasliut që e përjetuan këtë ngjarje që janë invalidë të luftës, se ngjarja është aksidentale. Sido që të ketë ndodhur, për ne ata janë dëshmor të lirisë dhe duke I njohur nga afër ,do ti rikujtojme për idealet e pastërta të tyre për të cilët ata e dhanë jetën dhe e kemi për obligim që amanetin e tyre ta ;ojmë deri në fund,u tha mes tjerash në referatin e lexuar.

Mëpastaj,akademinë përkujtimore e përshëndetën mysafirë të ftuar ndërsa u shfaq një dokumentar i shkurtër nga ditët e luftës si dhe disa fotografi nga dëshmorët e rënë. Akademia vazhdoi me një pjesë teatrale e përgaditur nga disa aktorë, enkas për këtë përvjetor.Përpos tyre, Akademia përkujtimore, edhe përpos angazhimit maksimal të Këshillit organizativ i përbërë nga ish ushtarë të UÇk-së, u përcoll me probleme të shumta teknike, me probleme të zërimit dhe efekteve të dritave që la hije në qëllimin dhe angazhimin e organizatorëve të cilët me të drejtë u brengosën.

Në suaza të shënimit të tri vjetorit të ngjarjes së Tanushës, kur ranë pësë dëshmorë, dje u bënë homazh në varrezat e dëshmorëve Naser Ademi në Negotinë dhe Hysë Fazliu në Banjicë, ku u vendosën kurorë dhe lule të fresktëta. Ndërsa, pardje, një delegacion disa anëtarësh bëri homazh te varri i komandant Tahir Sinanit në Prizren dhe te varret e dëshmorëve Brahim Ademi dhe Hyrë Emini në Ferizaj.

Ky manifestim përkujtimor synon të bëhet tradicional, për të përkujtuar dëshmorët, por të shpresojmë se në të ardhmen nuk do të ketë probleme të natyrës teknike si; ndodhi në akademinë e djeshme.