INJORANCA

El-xhahilijje (Xhahilijjeti, injoranca, koha e injorancës)



Është gjendja në të cilën ishin arabët para Islamit, që nuk njihnin All-llahun, xh.sh., profetët e Tij dhe ligjet e fesë, si dhe krenaria për fisin, mendjemadhësia, mizoria dhe shumë të tjera.

El-Xhahilije d.m.th. injoranca, është mosdija dhe mosndjekja e diturisë. Dijetari i famshëm Ibnu Tejmije tha: "Nëse njeriu nuk e di të vërtetën, injoranca e tij është e thjeshtë, e nëse beson diç të kundërt me të vërtetën, injoranca e tij është e dyfishtë, e nëse thotë të kundërtën e të vërtetës duke njohur të vërtetën apo duke mos e njohur atë, prapë është injorant. Nëse këtë e kuptojmë, njerëzit para Muhammedit, s.a.v.s. ishin në injorancë që i përket mosdijes. Fjalët të cilat ata i thonin dhe veprat që i kryenin ua shpiku një injorant. Gjithashtu, çdo gjë që është në kundërshtim me atë që iu shpall profetëve, sikurse është rasti me Hebreizmin dhe Krishterimin, është xhahilijjet. Ky është xhahilijjet i përgjithshëm (në të gjithë botën), kurse pas Muhammedit, s.a.v.s., ai mund të ekzistojë në disa vende e në disa jo, sikurse është rasti me Darul-Kufrin (vendet joislame). Gjithashtu, ai mund të gjindet tek një person e tek një tjetër jo, sikurse është rasti me njeriun para se të hyjë në islam, ai është në xhahilijjet edhe nëse jeton në Darul-Islam-in (vendet islame). Pas dërgimit të Muhammedit, s.a.v.s., nuk ka xhahilijjet të përgjithshëm (që përfshin tërë botën), sepse një grup i ummetit të tij do të vazhdojë të jenë në të vërtetën haptas deri në Ditën e Kijametit. Kurse xhahilijjeti i kufizuar mund të ekzistoj në disa vende islame dhe në shumë persona muslimanë, sikurse tha Muhammedi, s.a.v.s.: "Katër gjëra në ummetin tim janë prej xhahilijjetit", dhe i tha Ebu Dherrit: "Ti je një njeri që në vete ke xhahilijjet".



Xhahilijjeti i përket injorancës, e cila është mosdija dhe ai ndahet në:



1) Xhahilijjet i përgjithshëm: përfshin periudhën para Muhammedit, s.a.v.s., - periudhën ndërmjet Isait e Muhammedit, s.a.v.s., dhe ka marrë fund me dërgimin e tij.

2) Xhahilijjeti i veçantë, i kufizuar: përfshin shumë shtete, vende dhe persona. Ky xhahilijjet ekziston gjithmonë.

Edhe sot ajo kohë është! Pse nuk veprojnë ca duke torturuar të tjerit pë veprimet që bëjnë dhe për mendimet që shprehin!

Cito :

Orfe shkroi:
1) Xhahilijjet i përgjithshëm: përfshin periudhën para Muhammedit,
s.a.v.s., - periudhën ndërmjet Isait e Muhammedit, s.a.v.s., dhe ka
marrë fund me dërgimin e tij.

Do thote qe me nuk egziston ky mekat, besoj se ju kuptova drejt, pra asnje popull ne menyre te pergjitheshme nuk mund te behet injorant ne kuptimin e pergjithshem.