Në Sllupçan pllakë përkujtimore për dëshmorët e UÇK-së

Në Sllupçan pllakë përkujtimore për dëshmorët e UÇK-së
01/11/2008

15:02:58



Në fshatin Sllupçan të komunës së Likovës nesër do të bëhet ngritja e pllakës përkujtimore për dëshmorët e UÇK-së.
Me rastin e këtij solemniteti do të bëhet ngritja e pllakës përkujtimore për nderë të dëshmorëve të rënë të UÇK-së në vendin e quajtur Hisar mbi fshatin Sllupçan. Njëkohësisht do të bëhet edhe lëshimi në përdorim i rrugës së asfaltuar deri në këtë vend. Në solemnitet do të marrin pjesë personalitete të njohura të jetës publike. (H.Sadiku)

Sllupçan, përkujtohen dëshmorët e betejës së Hisarit të Madh



Anila LIMANI


Në fshatin Sllupçan të Kumanovës u zbulua pllaka përkujtimore për pesë dëshmorët e lirisë që ranë heroikisht në vendin e quajtur Hisari i Madh.

“Në këtë vend u zhvillua beteja më e ashpër ku humbën jetën shokët dhe bashkëluftëtarët tanë: Shefki Miftari (Hoxha) - Gjilan, Agim Zenuni - Kumanovë, Elmi Kamberi- Reçak, Nezir Demiri (Apaçi) - Kumanovë, Skifter Arifi - Gjilan”, është mbishkrimi i kësaj pllake përkujtimore që është dhe e para që shpaloset për dëshmorët e kësaj ane, pas varrezave të dëshmorëve që gjenden në fshatin Sllupçan. Pllaka përkujtimore që u zbulua të dielën në praninë e bashkëluftëtarëve dhe familjarëve të dëshmorëve është vendosur me vetë iniciativën e Liman Limanit nga fshati Sllupçan. Në ceremoninë e vendosjes së pllakës përkujtimore folën edhe familjarët e dëshmorëve. “Im bir dha jetën për ditë më të mira. Ju faleminderit që edhe ju nuk po e harroni”, tha nëna e dëshmorit Nezir Demiri. Në vendin Hisari i madh është zhvilluar një ndër betejat më të ashpra të luftës së 2001-it.

Pllakë përkujtimore për nderë të dëshmorëve në Sllupçan



Në fshatin Sllupçan të komunës së Likovës u ngrit pllakë përkujtimore për nderë të dëshmorëve të rënë të UÇK-së në vendin e quajtur Hisar mbi fshatin Sllupçan.

Familjarët e dëshmorëve thonë se kjo pllakë përkujtimore simbolizon historinë e lavdishme të popullit shqiptar.
"Le të mbetet histori, le të dihet pas 20 apo 100 viteve se kush ka ra dëshmor në këtë vend dhe kush ka qenë dëshmor", tha njëri nga familjarët e dëshmorëve.

"Jam krenare, shyqyr që i kemi pas këta djem trima, inshalla kemi trima, inshalla Zoti fal trima", tha një nënë e dëshmorit.

Familjarët u shprehën se me këtë pllakë përkujtimore do ta përkujtojmë dhe përtërijmë çdoherë historinë tonë shqiptare.

Banorët e fshatit me vetë kontributin e tyre kanë asfaltuar rrugën e cila të qon drejt në varrezat e dëshmorëve në Sllupçan.


Nevzat Mamuti

ALSAT-M