Peshëngritëses amerikane me shami nuk i lejohet konkurimi

Peshëngritëses amerikane me shami nuk i lejohet konkurimi


Peshëngritëses amerikane, Kulsoom Abdullah, nuk i lejohet konkurrimi për shkak të uniformës së saj e cila ia mbulon trupin

Dhjetorin e kaluar, 35 vjeçarja amerikane, është kualifikuar për kampionatin e hapur amerikan në peshëngritje, i cili do të ishte konkursi i parë i saj kombëtarë, por pas refuzimit të uniformës kualifikuese për ta mbajtur uniformën e saj të zakonshme në të cilën përfshihet edhe mbulesa e kokës, Federata Ndërkombëtare e Peshëngritjes nuk ia lejoi vazhdimin e konkurrimit.
Sipas kësaj federate uniforma nuk duhet t’ia mbulojë gjunjët dhe bërrylat, dhe përveç kësaj uniforme nuk lejohet tjetër.
Komitetit Olimpik i Shteteve të Bashkuara reagoi duke thënë se ata janë të angazhuar për të qenë "gjithëpërfshirës", por Federatës Ndërkombëtare të Peshëngritjes i takon të vendosë për ndryshimin e uniformës.
Ndërkohë, zyrtarët e Këshillit për marrëdhëniet amerikano-islamike (CAIR) pretendojnë se ky është një rast i diskriminimit fetar nga ana e Federatës së peshëngritjes, duke kërkuar nga federata në fjalë që t’i rishikojë edhe njëherë rregullat dhe t’ia lejoj peshëngritëses muslimane vazhdimin e konkurrimit për garat kombëtare.

Islamgjakova.net