Pastorët Jones dhe Sapp e djegin Kur’anin

Pastorët Jones dhe Sapp e djegin Kur’anin



Kleriku kontravers i kishës ungjillore nga Florida Terry Jones, të dielën në një kishë të vogël në Florida e “mbikëqyri” djegien e kopjes së librit të shenjtë musliman, Kur’anit.



Të dielën është mbajtur "gjykimi i Kur’anit", ndërsa pastori Wayne Sapp Librin i shenjtë e shpalli "fajtor për krime" duke e "ekzekutuar".

Djegia e Kur'anit u mbikëqyr nga prifti Terry Jones, i cili vitin e kaluar, në përvjetorin e sulmeve terroriste të Qendrës Botërore të Tregtisë në New York, më 11 shtator, kishte për qëllim djegien e tij.

Librin e shenjtë e mbajtën me orë të zhytur në vajguri dhe më pas e vendosën në një enë metalike në mes të kishës, dhe Sapp ia vuri zjarrin. Kur’ani është djegur për dhjetë minuta, ndërsa të pranishmit e fotografonin këtë skenë duke u lutur.

Të përkujtojmë se kleriku Terry Jones pati ngjallë zemërimin e opinionit kur në shtator kishte për qëllim djegien e Kur'anit, ndërsa qëllimin e tij e kishin dënuar presidenti amerikan Barack Obama, sekretarja e Shtetit Hillary Clinton dhe ministri i mbrojtjes Robert Gates.

Qëllimin e tij nuk e kishte realizuar, duke u shprehur se këtë assesi nuk do ta bënte, sepse tashmë e kishte arritur atë që dëshironte. Sot, ai thotë se është përpjekur që “muslimanëve t’u jep shansin që ta mbrojnë librin e tyre të shenjtë, por nuk ka marrë kurrfarë përgjigje."

Djegia e Kur’anit ishte e hapur për publikun, por "gjykimin" dhe "ekzekutimin" e Librit të shenjtë e ndoqën vetëm 30 njerëz, njofton AFP. Edhe pse disa ditë më parë Jonesi ka paralajmëruar këtë ngjarje, një numër i madh e kanë injoruar. U shfaqën vetëm disa pasues të tij të ushqyer me urrejtje.

Megjithatë, kleriku kontravers mendon se "gjykimi i Kur’anit" ishte i suksesshëm.