Portretizimi i atyre që merren me politikë zyrtare!

Portretizimi i atyre që “merren me politikë zyrtare!”

 

Pamja, mënyra e të folurit dhe bindjet e 

politikantit tonë!

 

· Bindja se Kosova është një shtet me të tashme të sigurt dhe stabile, me të ardhme të garantuar në BE dhe NATO, dhe se Serbia kurrë s'do të mund t'i bëjë gjë, është mbizotëruese në të gjitha paraqitjet publike të politikanëve ku kërkohet mendimi i tyre.
Çfarë paradoksi!

 

  Sigurinë që shfaqin politikanët tanë, sidomos në Kosovë, është vështirë ta hasësh tek ndonjë politikan në popujt tjerë të botës. Siguria e politikanëve tanë nuk përkon aspak me gjendjen faktike të teren. 

- Kosova pa ushtri, dhe me garanci se nuk do të ketë edhe për disa vjet; Kosova me polici akoma të kontrolluar; 

- Kosova me Mitrovicën e ndarë; 

- Kosova me strukturat paralele të Serbisë brenda; 

- Kosova me kushtetutë të imponuar nga të huajt me të cilën i ndalohet popullit shqiptar të vetëpërcaktohet për të ardhmen e tij, dhe mbi të cilën kushtetutë qëndron Plani i Ahtisaarit; 

- Kosova me njëqindmijë probleme të ndryshme - në njërën anë, e në anën tjetër, politikanët shqiptar dhe siguria e sigurt e tyre! 

  Çfarë paradoksi! 

  Nuk jam i aftë të kuptoj se çka i bënë më parë të sigurt ata: prania e shumëfishtë ndërkombëtare, apo ndjenja e të qenit në pushtet, qoftë kështu siç janë - të nënshtruar.

Te sigurt i ben ata prania nderkombetare dhe ndjenja e te qenit ne pushtet, pra te dyja bashke sepse ne njeren ane mbrohen nga nderkombetaret, ndersa ne anen tjeter krenohen se jane ne pushtet duke mashtruar qytetaret, duke vjedhur xhepin e qytetarit, se tek e fundit qellimi i tyre per te qendruar ne pushtet eshte paraja.