Bashkimi Kombëtar
Mirë se erdhë në forum " Bashkimi Kombëtar "
Qëndro i lidhur me ne ! Disponim te këndshëm të kontribojm për kombin larg ofendimet dhe zënkat...



 
ForumForum  PortalliPortalli  GalleryGallery  RegjistrohuRegjistrohu  identifikimiidentifikimi  

Share
 

 Albin Kurti

Shko poshtë 
AutoriMesazh
Atdhetari
Anëtar i Besueshëm
Anëtar i Besueshëm
Atdhetari

Male
Numri i postimeve : 1415
Age : 108
Vendi : Arbëri
Registration date : 13/11/2009

Albin Kurti  Empty
MesazhTitulli: Albin Kurti    Albin Kurti  EmptyThu Dec 09, 2010 1:43 am

Albin Kurti veprimtar aktiv politik për çeshtjen kombëtare dhe demokratizimin e ndërgjegjes shqiptare.

Albin Kurti  Albin-kurti


Albin Kurti lindi më 24 mars 1975 në Prishtinë. Mbas arsimimit baze (1981 deri 1989) dhe me tej atij te mesem (1989 deri me 1993) in Prishtine vazhdon studimet. Në rezistencë kundër Milosheviqit në gusht të vitit 1997 Albini u kyç në Unionin e Pavarur të Studentëve të Universitetit të Prishtinës, si anëtar i kryesisë e më vonë si zyrtar për marrëdhënie ndërkombëtare.

Kurti ka qenë gjithashtu edhe anëtar i Këshillit Organizativ të Protestave Paqësore dhe të pa dhunshme studentore për lirimin e objekteve universitare të uzurpuara me dhunë nga regjimi i Milosheviqit. Ai ishte njëri ndër udhëheqësit e protestës historike studentore më 1 tetor 1997 e cila u shtyp brutalisht nga policia e Milosheviqit.

Me fillin e luftës në Kosovë, në gusht të vitit 1998, Albini filloi punën në zyrën e përfaqësuesit të përgjithshëm politik të UÇK-së, Adem Demaçit, ku shërbeu si sekretar i zyrës. Gjatë kësaj kohe ka qenë i angazhuar në gjetjen e zgjidhjes politike për krizën në Kosovë. Gjatë bombardimeve të NATO-s ai qëndroi në Prishtinë deri më 27 prill 1999, kur policia serbe e arrestoi. Me 10 qershor, me tërheqjen e forcave serbe në Serbi, ai së bashku me të burgosurit tjerë shqiptarë u transferua në burgjet serbe. Më 13 mars 2000 në Nish, Albini u dënua me 15 vjet burg të rëndë. Gjatë gjykimit ai refuzoi të njihte legjitimitetin e gjykatës duke thënë: "Ky gjyq nuk ka asgjë të përbashkët me të vërtetën dhe drejtësinë. Ky gjyq i shërben politikës ditore të regjimit të Milosheviqit që e ka mbajtur Kosovën nën okupim"[citim i duhur]. Kur u dënua, ai tha: "Nuk është me rëndësi nëse më dënoni dhe sa më dënoni. Çdo gjë që kam bërë e kam bërë vullnetarisht dhe me dinjitet, jam krenar për këtë dhe po të më ipej rasti do të veproja sërish njësoj." Si rezultat i presionit ndërkombëtar Albini u lirua më 7 dhjetor 2001. Më 23 prill 2003 Albini diplomoi në fakultetin e shkencave kompjuterike dhe telekomunikacionit në Universitetit e Prishtinës dhe vazhdoi të jetë aktivist i të drejtave të njeriut dhe atyre civile.
Pas çlirimit

Ai punoi si aktivist në Rrjetin e Aksionit për Kosovën (KAN), të formuar në vitin 1997, që u ringjall në konferencën "Drejtimet e reja" të mbajtur në Prishtinë nga 8-13 korrik 2003. Në këtë mënyrë KAN e siguroi vazhdimësinë me anë të një fillimi të ri. KAN ishte lëvizje e aktivistëve të rinj, që për mision kishin ndryshimet shoqërore dhe krijimin e qytetarisë aktive. Aktivitetet përqendroheshin në tri fusha kryesore: çështjet e të drejtave të njeriut dhe drejtësia sociale, arsimi, kultura dhe arti. KAN përbehej edhe prej shumë anëtarëve ndërkombëtarë.


Me 12 qershor 2005 në muret që rrethonin ndërtesën e UNMIK-ut, aktivistët shkruan parullën Jo negociata, vetëvendosje, që solli në transformimin e KAN-it në Lëvizjen vetëvendosje ! Shkrimi i parullave vazhdoi gati në të gjitha fshatrat dhe qytetet e Kosovës, dhe pastaj lëvizja filloi me përdorimin e metodave tjera kreative e të pa dhunshme sikurse janë aksionet simbolike, bllokadat dhe së fundi edhe demonstratat masive. Shërbimi Policor i Kosovës në bashkëpunim me policinë ndërkombëtare arrestoi, burgosi dhe dënoi qindra aktivistë, ndër ta edhe Albinin. Lëvizja vetëvendosje ! kërkon referendum gjithpopullor në Kosovë, si e vetmja zgjidhje e drejtë paqësore për të vendosur statusin e Kosovës. Lëvizja arsyeton se vetëm me referendum si ushtrim i të drejtës për vetëvendosje mund të realizohet një zgjidhje demokratike e vërtetë. Në vend të negociatave të cilat mund ta vënë në kompromis lirinë, lëvizja kërkon që populli i Kosovës të ketë mundësi të vendos për vetveten, si duan të jenë të qeverisur dhe nga kush.
Mbrapsht në krye Shko poshtë
Atdhetari
Anëtar i Besueshëm
Anëtar i Besueshëm
Atdhetari

Male
Numri i postimeve : 1415
Age : 108
Vendi : Arbëri
Registration date : 13/11/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 1:49 am

Information on Albin Kurti's arrest in 1999
Ketu : http://www.alb-net.com/ngos/freealbinkurti.com/archive/index.html


Albin Kurti ne burgun e Pozharevcit


Vetevendosja kërkon drejtësi
Mbrapsht në krye Shko poshtë
Atdhetari
Anëtar i Besueshëm
Anëtar i Besueshëm
Atdhetari

Male
Numri i postimeve : 1415
Age : 108
Vendi : Arbëri
Registration date : 13/11/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 1:57 am

10 Shkurti







Mbrapsht në krye Shko poshtë
Xili
Hero anëtar
Hero anëtar
Xili

Numri i postimeve : 4309
Registration date : 06/04/2008

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 3:33 am

si sju vjen turp me permend Albin Kurtin
djali i UDB-ashit kryesor te Kosoves
Glauk Konjufca djali i Sherif Pisit
keta jane njerez te shitur
nese keta njerez ju i vlersoni patriota ose atedhetar
normal se jane atedhetar por te serbise
jo te Kosoves
sepse Albin Pisi ka marr mito dhe i detyrojke Ppopullin te dalin ne rruge te demonstrojn a ju ka ndihmu atyre Familjeve qe ju vran me te dashurit apo jau troket deren mei pyet se a keni nevoj per buke dhe ndonje gje tjeter\
Albin Kurti eshte nje pis qe mundohet me marr pushtetin ne dore dhe me kthy prape serbine ketu
Mbrapsht në krye Shko poshtë
xhiti
Anëtar i Besueshëm
Anëtar i Besueshëm
xhiti

Male
Numri i postimeve : 1858
Age : 59
Vendi : Prishtine
Profesioni/Hobi : zbulim i tradhtarve
Registration date : 26/03/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 11:35 am

eshte e vertet se Ish udbashet i kane fute djemt e vete neper levizje te ndryshme .
Eshte e vertet se shumica e djmve te lv jane djem te ish Titisteve dhe dezertoreve te luftes.
baben ne PDK apo ldk ldd djalin ne lv apo Fbksh apo levizje tjera.
Na shkoje jeta tu lyp liri
i ngrati shqiptare qe 3000 vjet kerkon liri a lirin ja merre vete shqiptari.
e i leme fajtore te tjeret
Mbrapsht në krye Shko poshtë
xhiti
Anëtar i Besueshëm
Anëtar i Besueshëm
xhiti

Male
Numri i postimeve : 1858
Age : 59
Vendi : Prishtine
Profesioni/Hobi : zbulim i tradhtarve
Registration date : 26/03/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 11:39 am

A e dini ju do ketu ne forum se kushe nga vjen Albin Kurti.
Babai i tije kushe eshte qka ka punuar.
Babai i Konjufces i tjtrit e i tjetrit.
Apo jena mesue te perkrahim njerez qorrazi.
Shumica ne lv jane njerez kinse,,patriota" a djem te komunistave dhe ata te burgosur kinse te shitur qe jane bere miq me shpijuna te serbise.
Mbrapsht në krye Shko poshtë
Atdhetari
Anëtar i Besueshëm
Anëtar i Besueshëm
Atdhetari

Male
Numri i postimeve : 1415
Age : 108
Vendi : Arbëri
Registration date : 13/11/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 2:25 pm

Nese keni fakte urdhnoni e postoni per babin e vet se cfare ka qen , nuk ju pengon njeri , se me doket qe nuk lat njeri pa e bo UDB-ash e spiun ..

Cili eshte per ju i mire ju pyes ?
Pse nuk hapni ju parti politike por vetem kritikoni e sulmoni?

Ti XILI , mundesh me hap nje theme per partine qe e simpatizon ti , e nuk besoj qe te pengon kush e sa i perket turpit , ate leme mu per Albin Kurtin .
Mbrapsht në krye Shko poshtë
BashKom
Admin
Admin
BashKom

Male
Numri i postimeve : 767
Age : 49
Vendi : Prishtin
Registration date : 27/08/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 4:12 pm

Mos e vet se tregon vet thuhet një thënje Popullore ,
kur të gjith qenkan UDB atëher lind pyetja kush mbeti pa qen apo e din vetëm ato që ishin në te se kush ishte e kush jo parandaj disa gjana duhet dallu të shkuarër , sod dhe neser , gjërat ndrishojn , nuk duhet bazu shum në të kaluarën se dim qfar sistemi ishte dhe si ua impononte deshte apo nuk deshte duheshe të jash antar i LK .Për të siguruar një vend pune apo diqka më teper një shkollin kjo ishte imponin me apo pa dashje sod kto kan ndrishu për të mir mund të zgjedh vet se ku don dhe qka don prandaj mendojm pak më gjat kur flasim për të kaluarën edhe lufta ubë për shkak imponini me apo pashje dhe sod prap disa gjëra me imponim sa do të ket kjo infulens në të ardhmen mbetete të shifet por Rinia asht ajo që luan rrotën ka të doj dhe Albini me rinin me siguri se do të luaj rolin e vet deshten apo nuk deshten kët e kan ë qaf deri sa të vetëdisohen dhe të punojn për Popull e jo për aa që ua bëjn me gisht se qka dhe si duhet punu sod qdo gjë fal teknikës eloktronike shpjejt dhe kjart kuptohet qdo gjë , prandaj nuk mund ti ik as kush drejtsis ani pse sod ju duket se i kan të gjitha në dor dhe imponojn manipulojn , por koha do i qes të gjitha në shef keni frigën së pari nga vetvetja e pastaj ligji dhe Populli asht aji që jep vulën.

Mbrapsht në krye Shko poshtë
xhiti
Anëtar i Besueshëm
Anëtar i Besueshëm
xhiti

Male
Numri i postimeve : 1858
Age : 59
Vendi : Prishtine
Profesioni/Hobi : zbulim i tradhtarve
Registration date : 26/03/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 5:19 pm

Gabim e ke Bashkom!
SE udbasheve jane prap ne politik,dhe sahere qi i kritikojme ata se kane qen bashkpunetore te serbise dhe jane ata trenohen qesin shkelma.
Nuk ka nevoje me qen udbashe qe ti njofesh udbashet.
PO kena qen viktim e udbasheve te cilet nuk lane rini pa denue dhe diferencue.
Eshte e vretet se ka pak njerez qe nuk kane qene duke punuar per udben.
Sa i perket Komunisteve ,ajo eshte bere me deshire qe te kene privilegj apo te ngriten ne detyre.
Me 1989 pak ka pas patriot qe ishin kunder ndryshimeve kushtetuese ,e ishin shume qe perkrahen ndryshymet kushtetuese dhe u mbnurreshin me Jugosllavine -serbine.
Edhe gjate luftes se uck -shumica ishin kunder UCK-se
tashe po na dalin te gjithe,,trima" pas lufte .
Kure Adem jashari luftojke ne Drenice ne Prishtine shumica shkojshin neper Disco me Arkanin e thojshin se ska lufte po jane nje ghrup i vogel banditesh.
Eshte e vertet se ata Udbashet jane gjalle po ne vend te tyre kane emrua femijet e tyre neper levizje dhe parti.
per ate edhe i kemi punet lluge.
Sepse skemi atdhetare te vertet.
tek e fundit keshtu keni vrapue edhe pas Rugoves e pastaj pas PDK,Thaqit ,e pastaj pas AAK,Ramushit .
Tashe po vrapojne pas Albinit ende pa e dijte se qka ka me na dale .
kadale burra mos gufoni aq shpejte .
SE me gufu shpejte shume shpejte derdhet qumeshti.
Durim ,shiqoni punen ne politik,se me fjala e kopalla na knaqen keto levizje e parti .
Une nuk po di ku pi shifni ata patriot ,
atehere pra pse nuk berem shtet po nderruam komb e flamure .
Kjo nuk ndodhe askund ne bote vetem te ne.
E kalauara eshte sote.
As teknika as elektronika nuk na bene atdhetare as patriot.
patriotin e bejne veprat konkrete e jo fjalat.
Mbrapsht në krye Shko poshtë
xhema
Anëtar i Suksesshëm
Anëtar i Suksesshëm
xhema

Male
Numri i postimeve : 2337
Age : 54
Vendi : Ferizaj -gjermani
Registration date : 30/03/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Dec 09, 2010 9:23 pm

xhiti-tek e fundit keshtu keni vrapue edhe pas Rugoves e pastaj pas PDK,Thaqit ,e pastaj pas AAK,Ramushit !!!
Pra keshtu shkon xhti duhet edhe ne ta kuptojm se gjerat ne politik nuk po u realizojshin pernji her dhe mbrenda nates,ne po kem qef mrena mujit por jo,po deshke me prit.
Te gjith kem shku mbrapa Thaqit e Ramushit, se ka qen nevoja dhe nuk kem ber gabim fare,por ata nuk munden te gjitha gjerat e qeshtjes ton te i realizojn,por nji pjes po, me plot kuptimin e fjales se po, pra tash te duhet pra te vazhdohet pjesa tjeter te realizohet, dhe nji nder kto pjes Albini e ka cek se dot i realizon po edhe ky jo te gjitha,prap duhet ta vazhdojn levizje te tjera pra gjer ne bashkim definitiv.
Por ne jem te pa durushem dhe nuk na pritet se jemi mesuar me blu ne dor,ne jem te till se e presum pasulen me u zi 2-3 or por se presum me u ftof 5 minuta.

ADEM DEMAQI-Citat; ne jem nji popull interesant qe nuk na han kurrfar LIME!
keshtu qe dhe armiqt tan sun po na bin ne fije, dhe nuk mundin te na studijojn keshtu qe mund te them se edhe kjo esht per tu pershendetur.....gjerat kan marr hov dhe ket per te mir, dhe hovi nuk ndalet veq -vanim se ska pshtim-BASHKIMI KOMBETAR.
Mbrapsht në krye Shko poshtë
Atdhetari
Anëtar i Besueshëm
Anëtar i Besueshëm
Atdhetari

Male
Numri i postimeve : 1415
Age : 108
Vendi : Arbëri
Registration date : 13/11/2009

Albin Kurti  Empty
MesazhTitulli: Re: Albin Kurti    Albin Kurti  EmptyFri Dec 10, 2010 12:17 am

Albin Kurti vetvendosje Demostrata 19.11.08



Vetëvendosje! - Fjalimi i Albinit, 10.II.07





Albin Kurti  Attachment
Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptyFri Dec 10, 2010 12:46 am

Albin Kurti eshte i vetemi i cili endrren shekullore "RIBASHKIMIN" ket enderr qe endrroim te gjithe shqiptaret e kerkon haptas, andaj edhe ka respektin, dhe do ta ket perkrahjen time.
Rasti i Ukshin Hotit nuk do te perseritet.
Mbrapsht në krye Shko poshtë
BashKom
Admin
Admin
BashKom

Male
Numri i postimeve : 767
Age : 49
Vendi : Prishtin
Registration date : 27/08/2009

Albin Kurti  Empty
MesazhTitulli: Re: Albin Kurti    Albin Kurti  EmptyFri Dec 10, 2010 2:08 pm

Xhiti mir e ke ti po kush do ket durimin e te pres se si do shkojn punët (dita shifet me sabah thuhet një thënje popullore )
edh kto pona bajn ver pa u kan , saj për ket veti nuk kam varpu pas as kujt dhe nuk kam qen ne as një parti .
Populli asht si kopea e bagtive nga ti qon bariu andej edhe shkojn .
Mbrapsht në krye Shko poshtë
xhiti
Anëtar i Besueshëm
Anëtar i Besueshëm
xhiti

Male
Numri i postimeve : 1858
Age : 59
Vendi : Prishtine
Profesioni/Hobi : zbulim i tradhtarve
Registration date : 26/03/2009

Albin Kurti  Empty
MesazhTitulli: Re: Albin Kurti    Albin Kurti  EmptyFri Dec 10, 2010 3:20 pm

Bashkom tash e ke than me ven...
Ishalla na del naj sen ky Albini ,po njerezit qe ka inkuadrue ne Politik i njof nje shumice ,jane befasue shume koleg .
Nuk bajne hiq.
PO ishalla del qyshe po thote.
PO gjysmen e fjaleve qe i ka pas hala pa u inkuadrue ne politik i mka hanger.
Edhe gjysmen do ti ha kure te behet deputet.
Nuk eshte ai Albini i mocem ma.....
Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptyMon Dec 27, 2010 4:41 pm

Shpirtat e medhenj gjithmone jan kundershtuar nga mediokrit. Keta te fundit nuk mund ta kuptojne kur nje person nuk i nenshtrohet paragjykimeve te trasheguara dhe perdor me kuraje inteligjencen e tij. A. Einstein
Mbrapsht në krye Shko poshtë
Atdhetari
Anëtar i Besueshëm
Anëtar i Besueshëm
Atdhetari

Male
Numri i postimeve : 1415
Age : 108
Vendi : Arbëri
Registration date : 13/11/2009

Albin Kurti  Empty
MesazhTitulli: Re: Albin Kurti    Albin Kurti  EmptyWed Aug 10, 2011 10:28 pm

Kurti: Thaçi hajn dhe kukull e SHBA-së



Gazeta e përjavshme gjermane “Shpigel” (Der Spiegel) mbi Kosovën shkruan si për vendin i cili kurrsesi nuk po përparon. Vjedhjet zgjedhore, abuzimet, korrupsioni - e gjithë kjo frenon shtetin më të ri ballkanik.

Në bisedë me këtë gazetë, lideri i Lëvizjes Vetëvendosje, Albin Kurti: "Kosova ndoshta formalisht është shtet i pavarur, por në të vërtetë nuk është sovrane", thotë Kurti, ndërsa “Shpigel” sqaron se mendohet në ndikimin që Beogradi e ka nëpërmjet mësuesve, policëve dhe mjekëve që rrogat marrin nga buxheti i Serbisë.

Mirëpo, Kurti, të cilin “Shpigel” e vlerëson si “elokuent”, si problemin më të madh e sheh pikërisht qeverinë e Kosovës. Sipas mendimit të tij, Hashim Thaçi është “hajni që vjedh nga populli i vet dhe qeveris si kukull e ‘fuqisë koloniale të SHBA-së’”.

Kjo e përjavshme më tej shkruan se pozicioni i Thaçit dukshëm është dobësuar duke marrë parasysh se dyshohet për falsifikimin e zgjedhjeve të kaluara, si dhe faktin se ish-komandanti i UÇK-së është i përfshirë në hetimet për trafikim me organe të serbëve të Kosovës.


Mbrapsht në krye Shko poshtë
Atdhetari
Anëtar i Besueshëm
Anëtar i Besueshëm
Atdhetari

Male
Numri i postimeve : 1415
Age : 108
Vendi : Arbëri
Registration date : 13/11/2009

Albin Kurti  Empty
MesazhTitulli: Re: Albin Kurti    Albin Kurti  EmptyWed Aug 10, 2011 10:29 pm

Nuk po me pelqen kjo qe po sulmon USA !
Mbrapsht në krye Shko poshtë
dymaji01
Fillestar/e
Fillestar/e
dymaji01

Male
Numri i postimeve : 3
Age : 40
Vendi : Maqedoni
Registration date : 11/08/2011

Albin Kurti  Empty
MesazhTitulli: Re: Albin Kurti    Albin Kurti  EmptyThu Aug 11, 2011 1:13 am

shprehjet e Albinit jan te pa matura dhe shum paushalle ,kunder kryeministrit thaqi duke thene se ky i fundit eshte kukell e Amerikes po ju Pyes Albin ju peronalisht kukkell e kujt jeni ,e nese spajtohuni me politikat e nderrmara nga qevirija lidhje me veriun ju shfar masash dot kishit ndermarre me miqet e juaj europian qe kan qen ter kohen ne vazhdimsi partner te kontrabandisteve dhe strukturave paralele te Serbise ,seshte e drejte te krtikoni aq teper politikajt e vete te hyni ne politik mua me duket se ju keni pas qellim te vetem te futeni ne politik bil bile edhe me dhoj dhoj protestash A lbin popullin smundet askush te trethetoj gjat sepse shpejte kalojne mandatet ndoshta edhe ju dote keni rrallen te formoni qeveri por me kend florin krasniqin qe po njollos cdo gje qe eshte arritur me gjak te deshmorve me njeriun qe nje famlje te deshmorit te kombit ne tiran nxori nga banesa dhe hudhi ne rrug femit e komandant telit sepaku duheni te distancoheni nga florini sepse edhe ky ska shum dallim nga ato te veriut qe merren me kontrabandim kjo eshte vetem nje keshill,
Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptyThu Aug 11, 2011 8:11 pm

MIqet europian, hahaha qesharake. Kushe nuk e ka njohur UMNIK dhe vazdon te mos njeh EULX . LV njerzit harroin nganje...
Ne shqiptaret i vlersoim njerzi vetum kure vdesin.
Mbrapsht në krye Shko poshtë
xhema
Anëtar i Suksesshëm
Anëtar i Suksesshëm
xhema

Male
Numri i postimeve : 2337
Age : 54
Vendi : Ferizaj -gjermani
Registration date : 30/03/2009

Albin Kurti  Empty
MesazhTitulli: Re: Albin Kurti    Albin Kurti  EmptySat Aug 13, 2011 3:04 am

Ja fut kot, na duket,se esht strateg....!
Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptyWed Mar 07, 2012 10:36 pm

Shkruan Rita KNUDSEN *
Privatizimi është një çështje thelbësisht politike. Ka ardhur koha për ta vënë në dyshim privatizimin. Privatizim do të thotë shitje e pronës pronarëve privatë. Këtë shkrim analitik politiko-ekonomike të Rita Knudsen e ka siguruar për lexuesit e vete agjencia informative “Presheva Jonë”.



Privatizimi është një çështje thelbësisht politike. Si një prej shumë llojeve të politikave ekonomike, privatizimi mund të përkufizohet si transferim i pronës ose i prodhimit nga sektori publik i një ekonomie në pronësi dhe shfrytëzim privat. Privatizimi është një mënyrë për t’i rregulluar marrëdhëniet pronësore duke kaluar diçka nga kontrolli shtetëror në kontroll privat. Në shumicën e demokracive elektorale kjo çështje, pra niveli i rolit të shtetit në ekonomi dhe roli dhe madhësia e sektorit privat, është diçka që diskutohet ashpërsisht. Ajo nuk është politikisht neutrale, por diçka për të cilën partitë politike zihen rreptas. Është një çështje për të cilën mendimi i dikujt varet nga simpatitë politike dhe botëkuptimi ideologjik.

Nga viti 1999 e deri më 2008 privatizimi, nën administrimin zyrtar ndërkombëtar, ishte strategjia ekonomike kryesore e Kosovës: Shtylla IV ishte pjesa e UNMIK’ut që ishte zyrtarisht përgjegjëse për rindërtimin dhe zhvillimin e Kosovës, dhe gjatë këtyre nëntë vjetve privatizimi ishte aktiviteti kryesor i Shtyllës IV. Që në fillim të vjeshtës në vitin 1999 UNMIK’u kishte shprehur në mënyrë të qartë synimin për ta bërë privatizimin qasje kryesore të tij ndaj ekonomisë së Kosovës. Në dekadën që pasoi burime të mëdha u harxhuan për përgatitjen, planifikimin dhe për implementimin e strategjisë së privatizimit.

Privatizimi u zgjodh nga ana e zyrtarëve ndërkombëtarë në UNMIK dhe në Shtyllën e BE’së si strategji kryesore ekonomike për Kosovën jo për shkak të karakteristikave të posaçme të ekonomisë së Kosovës dhe jo pse ndonjë analizë ekonomike specifike për kontekstin i kishte çuar ata në konkluzionin se privatizimi do të ishte mënyra më e mirë për t’i zgjidhur sfidat e veçanta ekonomike të Kosovës. Privatizimi u zgjodh sepse UNMIK’u ishte një operacion i ashtuquajtur “shtetndërtues”, dhe të gjitha operacionet e tilla në gjithë botën realizohen brenda një formati të caktuar, një modeli të caktuar për reformat që zbatohet në të gjitha vendet ku synohet ky objektiv. Operacionet e “shtetndërtimit”, duke përfshirë modelin e UNMIK’ut për reforma, bazohen në argumentin se liberalizimi politik dhe ekonomik janë të domosdoshme për sigurinë ndërkombëtare. Në fushën ekonomike ky model liberalizimi synon, zakonisht, privatizimin dhe tregun e lirë. Dhe ishte pikërisht kjo pse privatizimi u zgjodh për Kosovën: UNMIK’u ishte një operacion “shtetndërtimi” – të gjitha operacionet e këtij lloji zbatojnë një format të reformave ekonomike liberale – prandaj privatizimi ishte paracaktuar për të qenë qasja ndaj ekonomisë së Kosovës për zyrtarët ndërkombëtarë. Ai ishte një zgjedhje paraprakisht e vendosur.

Privatizimi u zgjodh për Kosovën pa diskutime gjithëpërfshirëse ekonomike, pa pyetur pse dhe a është ai një strategji e mirë për ekonominë, dhe pa i dhënë askujt nga Kosova pushtet të vërtetë vendimor. Duke ndjekur modelin “shtetndërtues” zyrtarët ndërkombëtarë planifikuan, përgatitën dhe ekzekutuan privatizimin në mënyrë teknike, me një gjuhë funksionaliste. Kjo meriton vëmendje sepse privatizimi nuk është çështje teknike. Ai është një çështje politike. Ai është një çështje që në demokraci debatohet, analizohet dhe vihet në pikëpyetje, dhe duhet të jetë temë e mosmarrëveshjeve, angazhimit dhe diskutimeve politike. Por në Kosovë kjo nuk ndodhi. Zyrtarët ndërkombëtarë zgjodhën, përgatitën dhe drejtuan privatizimin duke e hequr këtë çështje nga fusha e debatit demokratik dhe duke e vënë në duart e tyre – duke folur për të dhe duke e avancuar si diçka teknike dhe të padiskutueshme.

Megjithatë, ishte një gjë të cilën zyrtarët ndërkombëtarë e vunë në pikëpyetje derisa ishin në krye të privatizimit në Kosovë: si mund ta zbatonin këtë zgjedhje të paracaktuar të privatizimit pa u rrezikuar që të mbahen përgjegjës për procesin, pa u rrezikuar nga hedhja në gjyq? Ndërsa formati i shtetndërtimit i “UNMIK’ut” për liberalizimin ekonomik synonte privatizim të shpejtë dhe në shkallë të gjerë, ishte e rëndësishme për zyrtarët ndërkombëtarë që ta bënin këtë në një mënyrë që nuk do të kthehej kundër tyre duke i bërë ata përgjegjës për procesin.

Ky qëllim për privatizim të shpejtë dhe pa rrezik ishte komplikuar nga mjedisi i Kosovës. Historia e kohëve të fundit e Kosovës si pjesë e Jugosllavisë socialiste, si dhe periudha e saj e represionit nën Serbi, i ngritën disa probleme që e bënin privatizimin një çështje ligjërisht shumë të rrezikshme për zyrtarët ndërkombëtarë, më shumë se që kishin paramenduar. Një çështje e rëndësishme lidhej me pronësinë ligjore të ndërmarrjeve në Kosovë. Privatizimi do të thotë shitje e pronës pronarëve privatë, por në Kosovë zyrtarët ndërkombëtarë nuk ishin të sigurt se kush ishte pronari i pronës që do të shitej. Pa krijuar një kornize ligjore për privatizimin që do ta sqaronte këtë, ose të paktën do t’i mbronte zyrtarët ndërkombëtarë nga ankesat rreth pronësisë, ata nuk guxonin t’ia fillonin me procesin.

Shqetësimi tjetër i zyrtarëve ndërkombëtarë kishte të bënte me frikën e tyre se mund të akuzoheshin se po kapërcenin mandatin e tyre gjatë privatizimit: ata nuk ndiheshin plotësisht të sigurt për lirinë e veprimit të autoritetit ligjor të UNMIK’ut në fushën e të drejtave pronësore. UNMIK’u kishte mandatin për të administruar pronën në Kosovë, por kjo nuk do të thotë se kishte të drejtën për ta shitur.

Me pak fjalë, Shtylla IV ishte përgjegjëse për rindërtim dhe zhvillim ekonomik, dhe privatizimi ishte aktiviteti kryesor i Shtyllës IV në Kosovë, nuk ishin konsideratat ekonomike ato që i dhanë formën privatizimit të drejtuar nga ndërkombëtarët në Kosovë. Në vend të kësaj, ajo që dominoi tek zyrtarët ndërkombëtarë që kishin marrë përsipër ekonominë e Kosovës ishin konsideratat ligjore: si të kryhej privatizimi pa u mbajtur ligjërisht përgjegjës për procesin. Ky ishte një shqetësim i madh në mesin e zyrtarëve ndërkombëtarë, sepse ata besonin se rreziku për t’u paditur në gjyq gjatë privatizimit në Kosovë ishte mjaft i madh.

Frika e madhe e zyrtarëve ndërkombëtarë për përgjegjësinë e tyre u manifestua në kornizën ligjore dhe operative të procesit të privatizimit në Kosovë. Ndërsa privatizimi – një çështje krejtësisht politike – u depolitizua dhe u shndërrua në çështje teknike nga zyrtarët ndërkombëtarë në Kosovë – kuadri ligjor i privatizimit u politizua: krejt qëllimi i ligjeve të UNMIK’ut të hartuara për privatizimin në Kosovë ishte kryerja e procesit (në përputhje me formatin e paracaktuar të “shtetndërtimit”, dhe pavarësisht nga të gjitha problemet e mëdha që zyrtarët ndërkombëtarë i shihnin në lidhje me të) pa i ekspozuar zyrtarët ndërkombëtarë ndaj rrezikut ligjor.

Diskutimet ligjore mbi privatizimin në Kosovë, si dhe zgjidhjet e bëra për procesin, u dominuan plotësisht nga zyrtarët ndërkombëtarë, ndërsa pikëpamjet dhe të drejtat e vendësve nuk u konsideruan të rëndësishme. Zyrtarët ndërkombëtarë ishin të shqetësuar për pasojat e privatizimit për regjistrat ligjorë personalë, por nuk u ndalën për të ndërmarrë një shqyrtim të plotë të pasojave ekonomike të privatizimit për njerëzit në Kosovë. Një vlerësim i tillë ende nuk është bërë, dhe, për rrjedhim, pasojat e sakta ekonomike të privatizimit mbeten të papërcaktuara deri në këtë ditë. Ndërkaq, ajo që është e qartë pas një dekade privatizimi si qasje kryesore e operacionit gjigant të “shtetndërtimit” ndaj ekonomisë së Kosovës është se rreth gjysma e popullsisë është ende pa punë, rreth gjysma e saj jeton në varfëri, dhe sistemet e shëndetësisë, arsimit, infrastruktura, prodhimi vendor dhe bujqësia janë shumë shumë të dobëta. Edhe sipas vetë qëllimit zyrtar të Shtyllës IV për rindërtim dhe zhvillim privatizimi nuk duket se ka funksionuar.

Zyrtarët ndërkombëtarë nuk ishin të interesuar të diskutojnë pse apo a duhet të bëhet privatizimi në Kosovë. Por Kosova ka arsye të mirë për të pyetur pse procesi ishte zgjedhur që në fillim, si ka ndikuar ai vërtet në gjendjen socio-ekonomike, dhe pse privatizimi po vazhdon.



* ) Rita Augestad Knudsen është nusja e ardhshme e Kosovës, sot e dashura e Liderit Albin Kurti nga “Vetvendosje”. Ajo, aktualisht është duke e bërë doktoraturën në Historinë Ndërkombëtare në Londër School of Economics and Political Science (LSE). Pra, Rita Augestad Knudsen është edhe autore e “The Comprehensive UN Sanctions against the Federal Republic of Yugoslavia: Aims, Impact and Legacy (NUPI/Kolofon 2008)”.

Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptyWed Mar 07, 2012 10:39 pm

http://www.preshevajone.com/rita-e-dashura-e-albin-kurit-si-i-shef-zhvillimet-ne-kosove-ja-nje-shkrim-i-saj-analitik/
Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptySun Jun 01, 2014 2:25 pm

Kurti: Bashkimi me Shqipërinë – nuk çon në luftë ballkanike

•Kryetari i lëvizjes Vetëvendosje, Albin Kurti, thotë se bisedimet me Serbinë do t’i zëvendësonte me bisedimet me serbët e Kosovës dhe me Tiranën

Publikuar më 31.05.2014 | 19:46

17 0







Më tetë qershor në Kosovë mbahen zgjedhjet e parakohshme parlamentare. Rreth 30 subjekte politike të të gjitha komuniteteve janë regjistruar për të marrë pjesë në këto zgjedhje. Zëri Amerikës ka filluar një seri intervistash me udhëheqësit e disa prej partive politike. Në një intervistë me korrespondentin tonë në Prishtinë, Besim Abazi, kryetari i lëvizjes Vetëvendosje, Albin Kurti, thotë se nëse del fitues bisedimet me Serbinë do t’i zëvendësojë me bisedimet me serbët e Kosovës dhe me Tiranën.

Zoti Kurti, kanë mbetur pak ditë deri në zgjedhjet e parakohshme parlamentare. Çfarë prisni nga këto zgjedhje?

Po, pres të jenë zgjedhje të lira, demokratike, dmth, zgjedhje në të cilat qytetarët do të mund të shfrytëzojnë mundësinë për të shprehur vullnetin e tyre, ta ushtrojnë të drejtën e tyre për vullnetin e tyre. Dhe në të njëjtën kohë Vetëvendosja i ka ndërmarrë të gjitha masat që me komisionarët dhe vëzhguesit me datën 8 qershor ta mbrojë vullnetin e qytetarëve të Kosovës dhe të mos lejojë që çka do qoftë që është e ngjashme me zgjedhjet e fundit parlamentare, përkatësisht në dhjetorin e vitit 2010, të na përsëritet sërish. Shteti i dobët i Kosovës nuk i mban dot edhe një palë zgjedhje të tilla që u quajtën në mënyrë të popullarizuar si vjedhje industriale.

Ju synoni të merrni pushtetin, natyrisht, sikurse edhe të gjitha partitë tjera politike. Përse do të duhej qytetari i Kosovës të vendoste te votonte pikërisht për ju?

Vetëvendosja është dëshmuar që është opozitë e vërtetë në Kuvendin e Republikës, është dëshmuar që është edhe pushtet i pakorruptueshëm në komunën e Prishtinës dhe mbi të gjitha e kemi konceptin e drejtë të Vetëvendosjes, i cili së fundi është elaboruar në alternativë qeverisëse. Ne e kemi publikuar atë që në shtatorin e vitit të kaluar dhe ku i kemi bërë bashkë, në kuadër të shtetit republikan, shtetin e së drejtës, shtetin zhvillimor dhe shtetin social. Pra, ne i lidhim me njëra tjetrën drejtësinë shtetërore, ekonominë prodhuese dhe barazinë shoqërore. Besoj se qytetarët e Kosovës e kanë një alternativë të vërtetë më 8 qershor, kur do të duhej të votojnë për ndryshimin, meqenëse me tatim dhjetë për qind, me investime vetëm në asfaltin e autostradave, me punësime sipas mbiemrit, pra sipas farefisnisë, shtetin tonë e ka pllakosur mjerimi social, stagnimi ekonomik e kështu me radhë. Pra, ka nevojë për ndryshime dhe unë jam i bindur se kësaj radhe emri i ndryshimit është Vetëvendosje.

Por, edhe partitë tjera politike kanë projekte për të nxjerrë vendi nga kjo gjendje që e përshkruat ju, madje ka oferta për qindra mijëra vende pune. Ju çfarë konkretisht i ofroni qytetarit, cili është motivi me të cilin do ta nxisni të dalë në votime dhe të votojë për ju?

Ne orientohemi tek punësimi në prodhim, pra ri industrializimi i vendit dhe investimet e shtuara në bujqësi, me ç’rast ne mendojmë se investimet e shtuara në bujqësi do të zvogëlojnë importet, do të rrisin eksportin dhe nuk do të lëmë asnjë pëllëmbë të tokës së Kosovës që të mbetet djerrë, e papunuar. Më tutje, TVSH-ja, prej së cilës do ta përjashtojmë miellin, bukën, vajin, sheqerin, kripën, qumështin. Dhe kur kjo kombinohet me tatimin progresiv, me ç’rast të gjithë ata që i kanë pagat deri në 170 euro, nuk paguajnë tatim fare, prej 170 deri në 500 euro, paguajnë vetëm pesë për qind, prej 500 – 850 paguajnë 10 për qind, prej 850 – 1 mijë e 700 euro paguajnë 20 për qind për këtë pjesën mbi 850 euro. Dhe ata me paga të larta mbi 1700 euro, paguajnë 30 për qind tatim për pjesën mbi 1 mijë e 700 euro. Pra, edhe rritje ekonomike edhe politika sociale e fiskale për zbutjen e pabarazisë, por edhe luftim i evazionit fiskal. Pra, ne nuk do të bëjmë kompromis me korrupsionin. Qeverisjet e mëhershme ku kanë qenë këto partitë tjera, nganjëherë dy nga dy e njëherë kanë qenë të tria bashkë, kanë bërë pakt të heshtjes, për të mos thënë diçka edhe më shumë me korrupsionin dhe krimin e organizuar. Me lëvizjen Vetëvendosje në qeverisje, unë garantoj se nuk do të zmbrapsemi para asnjë krimi, para asnjë të korruptuari, përkundrazi, forca e ligjit e drejtësia e shtetit do t’i kap të gjithë ata. Nuk kemi llogari që Republika e Kosovës të dergjet edhe më tutje nga ky korrupsion i cili na vë neve nëpër lista të frikshme nga organizata ndërkombëtare, të pllakosemi me këtë mjerim që përbëhet prej varfërisë dhe papunësisë së madhe. Dhe me Vetëvendosjen në qeverisje, ne do të bëjmë gjithçka që t’i eliminojmë azilkërkuesit kosovar që përfundojnë nëpër kampe të Hungarisë e nëpër shatorrë të Francës. Pesëmbëdhjetë pas çlirimit, kjo është e padurueshme.

Rimëkëmbja ekonomike e Kosovës është thënë se mbështetet edhe në procesin e privatizimit, një proces që ju e keni kritikuar shumë ashpër. Si do të duket ky proces nëse ju vini në pushtet?

Është e vërtetë që 60 valë të privatizimit që i kemi pasur në Kosovë, na e kanë djegur industrinë. Jo gjithçka do të mund ta revidojmë. Mirëpo, ne do t’i rishqyrtojmë rastet e privatizimit një nga një dhe aty ku ka pasur shkelje të të drejtave të njeriut, shkelje të ligjit, shkelje të procedurave, konflikt interesi, ose dëmtim të interesit të përgjithshëm dhe ku kostoja e revidimit nuk është më e madhe sesa vazhdimi i mëtutjeshëm, ne një nga një këto raste do t’i shqyrtojmë me kujdes dhe do t’i korrigjojmë. Por, para çdo privatizimi të mëtutjeshëm, kushdo që e ngritë një temë të tillë, barra e provës për privatizim i bie atij që synon privatizimin ose që avokon privatizimin, e jo neve që dëshirojmë që republika jonë, në rrënjë të së cilës është fjala publike, ta forcojmë të përbashkëtën, shtetin, shoqërinë, publikun, qytetarinë e kështu me radhë. Pra, do të jemi të kujdesshëm që gjithmonë të trajtojmë se çka të privatizohet, kur të privatizohet, sa të privatizohet, si të privatizohet dhe kujt i shitet. Pra, besoj që shteti mund të mos jetë aq i mirë si menaxher, por shteti si pronar është dëshmuar mjaft e mire. Pra, në fushën e menaxhmentit, ne do të mund të blejmë edhe menaxhment të huaj. Por, nëse ka korrupsion në menaxhment do ta eliminojmë menaxherin e korruptuar e nuk do ta shesim asetin publik.

Por, të kërkosh sot që shteti të jetë pronari i ndërmarrjeve, a nuk bie ndesh me ekonominë e lirë të tregut, që është njëfarë synimi, një orientim i Kosovës?

Unë besoj se shteti është parakusht për konkurrencë fer. Nuk janë konkurrenca dhe shteti në kundërshtim me njëri tjetrin, përkundrazi. Aty ku ka konkurrencë pa shtet, përfundon në monopole, duopole ose oligopole. Pikërisht shteti e mirëmban konkurrencën me sundimin e ligjit dhe këtë do ta bëjë edhe lëvizja Vetëvendosje. Dorën në zemër nuk mund ta fusësh në ring të boksit një djalosh dhjetëvjeçar dhe Mike Tysonin se dihet rezultati. Pra, bujqit tanë, ndërmarrësit tanë, duhet të ngrihen, të bëhen të aftë për konkurrencë edhe brenda vendit edhe jashtë vendit, Për këtë qëllim ne shohim edhe një rol të theksuar të Bankës Qendrore të Kosovës, e cila nuk do të jetë njëfarë mbikëqyrësi pasiv, por rregullator aktiv dhe në të njëjtën kohë të kemi një bankë zhvillimore dhe për eksport e më pas edhe një bankë publike, ashtu që në mandatin qeverisës të lëvizjes Vetëvendosje, kamatat të bien nën 5 për qind e afatet të shkojnë për mbi 20 vjet si dhe shumat kreditore të rriten. Edhe për të moshuarit, ne mendojmë që duhet të kemi sistem pensional, solidaritet midis gjeneratave. Dhe duke e rritur kontributin pensional prej 5 për qind plus 5 për qind, në 8 për qind plus 8 për qind, do të arrijmë që në fund të mandatit tonë qeverisës, pensioni minimal bazik të jetë 150 euro e ai kontribut dhënës të jetë 280 euro.

Më lejoni të kthehem tek roli i shtetit në ndërmarrje. Po të shpreheshim në përqindje, sa e shihni atë rol?

Nuk mund të them tash, por po e marr një shembull në Gjermani, ku shteti është pronar i 27 për qind të aksioneve të “Deutsche telekomit”, dhe është kryesori. Pra është më shumë se çereku dhe është kryesori. Gjermania është shtet shumë i fuqishëm. Ne jemi shtete shumë i dobët dhe mendoj që çdo herë kur vijnë korporatat tepër të fuqishme, që janë më të forta se shteti jonë, aty nuk po ka më as ekonomi të tregut. Aty thjeshtë po mbretëron ligji i xhunglës, ku gjithmonë i dobëti e pëson. Pra, ne duam që shteti të mos e dirigjojë ekonominë, të mos e kontrollojë ekonominë, të mos e centralizojë ekonominë, por në të njëjtën kohë edhe të mos jetë spektator. Të jetë nxitës, inkurajues pra, të jetë orientues ashtu qysh është në vendet skandinave, ashtu qysh janë zhvilluar shumica e shteteve të botës ne fillet e tyre. Edhe SHBA e kanë pasur modelin e shtetit zhvillimor deri në vitin 1980, para se të vijë në pushtet presidenti Reagan dhe tash me presidentin Obama, sërish e kanë shtetin zhvillimor. Koreja e jugut, Gjermania, Franca, gjithmonë këto shtete kanë qenë shtete zhvillimore. Pra ne duam të integrohemi në ekonominë perëndimore, në BE. Nuk jemi kundër tregut të lirë, por para së gjithash për sundim të ligjit dhe për një shtet aktiv i cili, po them edhe njëherë, orienton e ndërmjetëson, por nuk kontrollon, nuk dirigjon.

Zoti Kurti, nëse vini në pushtet ju do të trashëgoni procese politike që janë tashmë të hapura, përshirë edhe procesin e bisedimeve me Serbinë, për normalizimin e marrëdhënieve ndërmjet të dyja vendeve, të ndërmjetësuara nga BE. Çfarë do të ndodhë me këto bisedime nëse ju behni, siç pretendoni, kryeministër i vendit?

Këto kanë qenë negociata pa parime për çështje të brendshme të Kosovës, pa kushte për Serbinë. Bisedimet me Serbinë ne do t’i zëvendësojmë me tri lloj bisedimesh të tjera. Nuk do të bëjmë bisedime me Serbinë, Do t’i vëmë kushte asaj: njohjen e Kosovës, heqjen e Kosovës nga kushtetuta e Serbisë, kërkim faljen dhe dëmshpërblimet e luftës etj. Ndërsa, tri lloje bisedimesh tjera që do t’i bëjmë janë: me Brukselin për ta transformuar EULEX-in në Kosovë nga një mision që është me fuqi ekzekutive këtu, në një mision i cili na ndihmon të zhvillohemi; bisedime me Tiranën për t’u afruar dhe integruar sa më shumë Kosova me Shqipërinë; dhe bisedime me serbët e Kosovës si qytetarë të republikës në rolin e tyre shoqëror me të drejtat e njeriut dhe të drejtat e pakicave. Pra, besoj që Kosova për t’u bërë me tamam republikë, ka nevojë që në vend të negociatave me Serbinë, të ketë bisedime me Brukselin, bisedime me Tiranën dhe bisedime me serbët e Kosovës.

Por, duke pasur parasysh ndikimin e Beogradit mbi serbët e Kosovës, si të përjashtohet Serbia në një rast të tillë?

Serbët të cilët nuk kanë fare lidhje me strukturat paralele të Serbisë, me ta bisedimet mund të fillojnë menjëherë. Ka serb që vetëm përfitojnë prej strukturave të Serbisë, por nuk marrin pjesë aktive. Ka mandej edhe serb që marrin pjesë në strukturat e Serbisë në arsim, kulturë, shëndetësi. Dhe janë serbët e strukturave paralele të sigurisë së Serbisë, që kontrollohen drejtpërdrejtë nga (Aleksandër) Vuçiçi, e deri dje nga (Ivica) Daçiçi dhe me këta nuk mund të ketë bisedime, por duhet t’i bëjmë kallëzimet penale dhe këta do të duhej të arrestoheshin ose të ikin për në Serbi, Pra, janë diku 300– 400 veta me të cilët nuk mund të ketë fare bisedime. Po me serbët e tjerë mendoj se është e mundshme, sepse, nuk janë trajtuar realisht si qytetarë të republikës. Ne besojmë se integrimi i serbëve në Kosovë, nuk vjen duke i integruar politikanët e tyre me privilegje në institucione, por integrimi i serbëve në shoqërinë kosovare nëpërmjet barazisë, zhvillimit ekonomik etj. Po ta kishim rivitalizimin e Trepçës ta zëmë, ose po ta kishim një fabrikë të ujit në Mitrovicë, ku ujin e marrim nga veriu e shishen nga jugu, aty punojnë shqiptarë, serbë, kanë çfarë të humbin e çfarë të fitojnë, komunikojnë, bashkëpunojnë dhe unë jam plotësisht i bindur që kjo është e mundshme dhe ne do ta realizojmë.

Një palë bisedime i vendosët me Tiranën për t’u afruar në rrugën e integrimeve. Ende ngulni këmbë në nevojën e bashkimit kombëtar?

Ne besojmë që Kosova do të jetë shtet plotësisht sovran me të drejtën që të bashkohet me Shqipërinë. Natyrisht që duhet të bisedojmë me qeverinë në Tiranë për këtë. Pengesë e kemi nenin 1.3 të kushtetutës që na e ndalon bashkimin me një shtet tjetër. Kufiri midis Kosovës dhe Shqipërisë nuk është kufi i shqiptarëve, është kufi i Jugosllavisë dhe Serbisë. Dhe mendoj që nuk duhet të hezitojmë ta themi hapur këtë gjë. Bashkimin e Kosovës me Shqipërinë unë nuk e shoh si diçka që shkakton luftën e tretë ballkanike. Por, në mënyrë paqësore dhe demokratike, pra me referendum, me bashkëpunimin e dy qeverive, ne do të mund të banim këtë. Jo për inat të të tjerëve, por gjithsesi për të mirën tonë. Bëhemi treg më i madh, i kombinojmë resurset njerëzore, pasuritë natyrore e kështu me radhë. Besoj që demokracia do të jetë shumë me e fuqishme atëherë kur të jetë më një popullsi lë te themi gati shtatë milionëshe. Më shumë popullsi e kalojmë edhe nepotizmin si kulturë sepse arrihet impersonalja, arrihet anonimiteti i qytetarëve të shtetit dhe demokracia si vullnet i shumicës bëhet më i kollajshëm.

A kanë vullnet klasat politike të të dyja vendeve? Zakonisht vëzhguesit thonë se klasat politike janë pengesa e një procesi të tillë të mundshëm?

Është e vërtetë se shumë politikanë në Prishtinë e në Tiranë, por posaçërisht në Prishtinë dhe shumë biznesmenë rrotull tyre, i preferojnë këto feudet, principatat. Por, ne duhet ta tejkalojmë feudalizmin tash. Jemi në shekullin XXI dhe mendoj që po vjen një brez i ri i cili do që shqiptarët në Ballkan t’i shohë të dinjitetshëm karshi kombeve të tjera jo vetëm në Ballkan dhe mendoj që është edhe e drejta edhe interesi ynë për këtë. Unë besoj që brezi i ardhshëm i shqiptarëve që po vjen, do ta ketë jetën dhe perspektivën shumë më të mirë sesa brezat e shekullit XX dhe për këtë gjë, si kryetar i lëvizjes Vetëvendosje punoj ditë e natë që t’i shërbej këtij brezi që po vjen edhe pas meje le të them.


_________________
Mos hyr valles, kur nuk di ta hedhesh.
______________________________________
Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptySun Mar 18, 2018 12:24 pm

A.Kurti e vetmja shpresë e e pa thyer popullit te Kosovës.

_________________
Mos hyr valles, kur nuk di ta hedhesh.
______________________________________
Mbrapsht në krye Shko poshtë
Driniiiii
Miqte e Forumit
Miqte e Forumit
Driniiiii

Male
Numri i postimeve : 3267
Age : 38
Vendi : Belfast
Registration date : 17/02/2009

Albin Kurti  Empty
MesazhTitulli: Re: Albin Kurti    Albin Kurti  EmptySat Sep 28, 2019 11:06 pm

Erdhi dita e ndryshimit,

_________________
Mos hyr valles, kur nuk di ta hedhesh.
______________________________________
Mbrapsht në krye Shko poshtë
Sponsored content




Albin Kurti  Empty
MesazhTitulli: Re: Albin Kurti    Albin Kurti  Empty

Mbrapsht në krye Shko poshtë
 
Albin Kurti
Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
Bashkimi Kombëtar :: Shqiptarët-
Kërce tek: