Bashkimi Kombëtar
Mirë se erdhë në forum " Bashkimi Kombëtar "
Qëndro i lidhur me ne ! Disponim te këndshëm të kontribojm për kombin larg ofendimet dhe zënkat...



 
ForumForum  PortalliPortalli  GalleryGallery  RegjistrohuRegjistrohu  identifikimiidentifikimi  

Share
 

 RRUSTEM HYSENI-Historiani ( 1973-1999)

Shko poshtë 
AutoriMesazh
agim__barja
Anëtar i Besueshëm
Anëtar i Besueshëm
agim__barja

Male
Numri i postimeve : 1410
Age : 56
Vendi : shqiperiaveriore
Profesioni/Hobi : EXSPERT I CESHTJESE KOMBETARE
Registration date : 24/10/2008

RRUSTEM HYSENI-Historiani ( 1973-1999) Empty
MesazhTitulli: RRUSTEM HYSENI-Historiani ( 1973-1999)   RRUSTEM HYSENI-Historiani ( 1973-1999) EmptyWed Apr 22, 2009 4:13 pm

Pjesë të shkëputura nga ditari në dorëshkrim i dëshmorit Rrustem Hyseni
(Historiani)
10.3.'99-21 e 30
Në luftë ndodh gjithçka, madje dhe vdekja. Këtë llogaris edhe për veten
time. Andaj e lë ,,amanet" që ky ditar t'u bie në dorë shoqërisë së
studimeve. Përmes këtij ditari, edhe i vdekur, të bisedoj, në një fare
mënyre, me shoqërinë. Tung! Tung!
1.4'99, ora 11:00
Derisa po shënoja ngjarjet e ditës së djeshme, në drejtim të pozicioneve
tona ranë 3 granata të njëpasnjëshme.
Këto granata erdhën si rezultat i sulmit të dy ushtarëve tanë që kishin
kryer në Stantërg.
2.4.'99
Në ora 10 e 50 përmbi Bare, gjegjësisht kazermë, fluturoi një aeroplan
ushtarak i shkieve. Unë me disa shokë ishim në postë. Personalisht isha duke
shkruar një poezi për dëshmorin Selim Bislimi.
Menjëherë dolëm te disa shtëpi të djegura. Unë u ndava prej shokëve dhe
zbrita para fabrike. Derisa rrinim me Jahirin e Behën, erdhi Hasani nga
Bajgora dhe na njoftoi se nga aeroplani ishte vrarë Adem Trepça. Me kaq dhe
ai u kthye për Brigadë( 12:00).
Më vonë u mor vesh se është vrarë edhe një vajzë dhe një burrë nga
Stantërgu.
Ora 3 e 45. Tani sa u kthyem nga rruga. Ishim në mbrojtje të shokëve të
cilët shkuan për t'i sulmuar shkiet në shkollë të Tunelit. Ne ishim 5 veta
me minahedhës 60mm dhe Pekate në Rashan (Kozirogë). Erdhëm para tyre pasi që
nuk pati nevojë për ndihmën tonë. Dhe, sipas marrëveshjes, ne në kohën e
caktuar mund të ecnim.
3.4.'99
Në ora 9:00 u zgjova. Menjëherë u interesova nëse kishin ardhur shokët nga
aksioni. Ata kishin ardhur dhe ishin në gjumë, andaj nuk bisedova me ta.
Sot është ditë e vranët, me mjegull dhe po bie ngapak shi. Sa i përket
luftës ende është qetë.
Më vonë shokët e aksionit u zgjuan. Ata kishin kaluar shumë mirë dhe kishin
kryer aksionin me sukses. Rreth orës 13:00 shkiet për më tepër se gjysmë ore
granatuan pozicionet tona dhe të Melenicës. Ne nuk ua kthyem. Në mbrëmje,
pas orës 19:00, komandanti na radhiti dy skuadrat e para dhe në këmbë shkuam
në Bajgorë, përkatësisht në shkollën e bombarduar nga aeroplani serb. Në
fillim ushtruam marrjen e objektit dhe më pas që të gjithë hymë dhe pamë
masakrën që kishte bërë aeroplani. Xhamat ishin thyer. Në shumë vende ishte
pllaka e shpuar. Ajo që më së shumti më tronditi ishte gjaku i të ndjerit
Adem Trepça. Granata kishte shpuar murin afër tokës dhe kishte goditur atë
mbi tavolinë, ashtu siç ishin sfungjerat. Plagën e kishte marrë në kokë.
Edhe në dhomën tjetër shihej gjaku dhe vendi i plumbit të mitrolozit që kish
goditur një vajzë nga Stantërgu. Ajo plagën e kishte marrë në zemër.
Përjetimet direkte të këtij rasti na i rrëfenin Leka, Luli dhe.të cilët
kishin qenë po aty, por që kishin shpëtuar pa plagë. Me kaq ne u kthyem në
kazermë, kurse komandanti shkoi për në shtab.
POROSI
Duhet të më dërgohet në shtëpi ky ditar.
5.4.'99
Rrustem Hyseni
(vazhdon)
Mbrapsht në krye Shko poshtë
 
RRUSTEM HYSENI-Historiani ( 1973-1999)
Mbrapsht në krye 
Faqja 1 e 1

Drejtat e ktij Forumit:Ju nuk mund ti përgjigjeni temave të këtij forumi
Bashkimi Kombëtar :: Shqiptarët :: Histori-
Kërce tek: